હિલ સ્ટેશન પર કેમ હોય છે મોલ રોડ, શું છે આ નામનો અર્થ? ત્યાં ફરવા ગયેલા લોકોને પણ નહીં ખબર હોય જવાબ

શિમલા હોય કે મસૂરી, તમને ભારતના ઘણા મોટા હિલ સ્ટેશનો પર મોલ રોડ ચોક્કસપણે જોવા મળશે. આ રોડ મોડી રાત સુધી ધમધમતો રહે છે, દુકાનો ખુલ્લી રહે છે, ખાદ્યપદાર્થો ઉપલબ્ધ છે અને પ્રવાસીઓ ચોક્કસપણે આ રસ્તાની મુલાકાત લેવા આવે છે. પરંતુ સવાલ એ થાય છે કે જ્યારે હિલ સ્ટેશન પર કોઈ મોલ નથી તો પછી ત્યાં મોલ રોડ કેમ છે? આ રસ્તાના નામનો અર્થ શું છે? તમે અહીં મુલાકાત તો લીધી જ હશે, પણ કદાચ તમને તેના નામનો અર્થ નહીં ખબર હોય.

આ પણ વાંચો: શિમલા-મનાલી નહીં, ભારતમાં આ 4 સ્થળોએ માણો બરફવર્ષાની મજા, ઉપયોગી થશે આ ટિપ્સ

અહેવાલો અનુસાર, મોલ રોડને એક એવો રસ્તો માનવામાં આવતો હતો જ્યાં લોકો લટાર મારતા હતા, અને ત્યાં નજીકમાં ઘણી દુકાનો હતી. 18મી સદીમાં અંગ્રેજોએ પોતાના નિયંત્રણ હેઠળના વિવિધ શહેરોમાં આવા રસ્તાઓ બનાવ્યા હતા. ભારતમાં, અંગ્રેજો ગરમીથી બચવા માટે પહાડોમાં રહેતા હતા, ત્યાં પણ તેઓએ મોલ રોડ બનાવ્યા હતા. તેઓ આ રસ્તા પર જઈને એકબીજાને મળતા હતા અને નવરાશના સમયમાં ફરતા હતા. મનોરંજન માટે ત્યાં રેસ્ટોરાં, દુકાનો વગેરે પણ હતા.

મોલ રોડનો અર્થ શું છે?

હવે સવાલ એ થાય છે કે આ રસ્તાને મોલ રોડ કેમ કહેવામાં આવે છે? આ રસ્તાનો એક નિયમ હતો. એક તરફ પરિણીત અધિકારીઓ રહેતા હતા અને બીજી બાજુ અપરિણીત અધિકારીઓ રહેતા હતા. બ્રિટિશ મિલિટ્રીએ આ ખાસ રોડનું નામ મોલ રોડ રાખ્યું, જેમાં મોલનો અર્થ થાય છે 'મેરિડ એકોમોડેશન અને લિવિંગ લાઈન'. તેથી આ રસ્તાને ટૂંકમાં ‘મોલ રોડ’ કહેવામાં આવે છે.

ધીરે ધીરે આ રોડ એ શહેરોની જીવાદોરી બની ગયો. આ રોડ પર પોલીસ સ્ટેશન, હોસ્પિટલ, પોસ્ટ ઓફિસ વગેરે જેવી તમામ મહત્ત્વની બિલ્ડીંગ બનાવવામાં આવી હતી. મસૂરી કે અન્ય શહેરોના મોલ રોડ પર વાહનોના પ્રવેશ માટે અલગ પાસ લેવો પડે છે, નહીં પગપાળા જ જવું પડે છે, જેથી આ રસ્તાઓની સુંદરતા જળવાઈ રહે અને લોકોને અગવડતાનો સામનો ન કરવો પડે. શિમલાના મોલ રોડને ભારતમાં સૌથી સુંદર માનવામાં આવે છે, જોકે, મસૂરીનો મોલ રોડ પણ ખૂબ સુંદર છે.