શિમલા-મનાલી નહીં, ભારતમાં આ 4 સ્થળોએ માણો બરફવર્ષાની મજા, ઉપયોગી થશે આ ટિપ્સ

શિયાળાની ઋતુ શરૂ થઈ ગઈ છે. થોડા દિવસોમાં શાળા-કોલેજોમાં પણ વેકેશન પડશે. આવી સ્થિતિમાં લોકો પોતાના પરિવાર સાથે ક્યાંક ફરવા જવાની તૈયારી કરે છે. શિયાળામાં, લોકો ઘણીવાર બરફવર્ષાનો આનંદ માણવા શિમલા-મનાલી જેવા સ્થળોએ જાય છે. પરંતુ જો તમે આ સ્થળોની મુલાકાત લઈ ચૂક્યા છો અને અન્ય કોઈ જગ્યા શોધી રહ્યા છો, તો અહીં અમે તમને બરફવર્ષાનો આનંદ માણવા માટે ભારતના અન્ય સ્થળો વિશે જણાવીશું.

આ પણ વાંચો: IRCTC આપી રહ્યું છે નવા વર્ષે રાજસ્થાનની મુલાકાત લેવાની તક, આ રીતે બુક કરો ટૂર પેકેજ

શિયાળાની ઋતુમાં બરફથી ઢંકાયેલા પહાડો અને શાંત સરોવરોનો અદ્ભુત નજારો જોવા જેવો હોય છે, જો તમે પણ બરફવર્ષાનો આનંદ માણવા સાથે પ્રકૃતિની ગોદમાં થોડી ક્ષણો વિતાવવા માંગતા હોવ તો ભારતમાં ઘણી સુંદર જગ્યાઓ છે જ્યાં તમે જઈ શકો છો. છે. ચાલો અમે તમને કેટલીક સુંદર જગ્યાઓ વિશે જણાવીએ. આ સાથે અમે તમને બરફવર્ષાનો આનંદ માણવાની કેટલીક ટિપ્સ પણ જણાવવા જઈ રહ્યા છીએ.

આ સ્થળોએ બરફવર્ષાનો આનંદ માણો

ગુલમર્ગ, જમ્મુ અને કાશ્મીર

ગુલમર્ગ એ ભારતના સૌથી લોકપ્રિય સ્કીઈંગ સ્થળોમાંનું એક છે. શિયાળા દરમિયાન તે બરફથી ઢંકાયેલું રહે છે. અહીં તમે સ્કીઈંગગ, સ્નોબોર્ડિંગ અને અન્ય એડવેન્ચર સ્પોર્ટ્સનો આનંદ માણી શકો છો.

ઔલી, ઉત્તરાખંડ

ઔલીમાં પણ શિયાળા દરમિયાન ઘણી બરફવર્ષા થાય છે. અહીં તમે મિત્રો અને પરિવાર સાથે સ્કીઈંગનો આનંદ માણી શકો છો.

લદ્દાખ

શિયાળામાં લદ્દાખમાં બરફવર્ષા જોવી એ સાવ અલગ અનુભવ છે. અહીં રેતીના ટેકરા અને બરફીલા પહાડોનો નજારો કોઈ સપનાથી ઓછો નથી. ખાસ કરીને લેહ અને નુબ્રા વેલીમાં, જ્યાં તમને શિયાળામાં અદ્ભુત બરફવર્ષા જોવા મળે છે.

સ્પીતિ વેલી, હિમાચલ

સ્પીતિ વેલીને "લિટલ તિબેટ" કહેવામાં આવે છે. આ જગ્યા ખૂબ જ ઠંડી હોય છે અને શિયાળામાં બરફથી ઢંકાયેલી હોય છે. સ્પીતિ વેલીમાં, તમે ચંદ્રતાલ તળાવ, કી મઠ અને તાબો મઠ જેવા સ્થળોએ બરફવર્ષાનો અનુભવ કરી શકો છો.

બરફવર્ષાનો આનંદ માણવા માટેની ટિપ્સ

ગરમ કપડા: શિયાળા દરમિયાન બરફવર્ષા હોય તેવા સ્થળોની મુલાકાત લેવા માટે ગરમ કપડા પહેરવા ખૂબ જ મહત્ત્વપૂર્ણ છે.

શૂઝ: બરફ પર ચાલવા માટે સારા શૂઝ પહેરો.

સનસ્ક્રીન: સૂર્યના કિરણો બરફ પરથી રિફ્લેક્ટ થાય છે, તેથી સનસ્ક્રીન લગાવવાનું ભૂલશો નહીં.

કકેમેરો: બરફથી ઢંકાયેલા પર્વતો અને તળાવોના સુંદર ફોટા કેપ્ચર કરવા માટે કેમેરો સાથે રાખો

સ્થાનિક લોકો સાથે વાત કરો: તમે સ્થાનિક લોકો સાથે વાત કરીને ઘણી ઉપયોગી માહિતી મેળવી શકો છો.