Cherry Blossoms જોવા માટે જાપાન કે કોરિયા જવાની જરૂર નથી, ભારતમાં આ સ્થળો જોઈ શકો છો તેનો સુંદર નજારો

ભારત તેની વિવિધતા માટે વિશ્વભરમાં જાણીતું છે. અહીં તમને દરેક ઋતુમાં કંઈક ખાસ જોવા મળશે. શિયાળાની ઋતુ દરમિયાન, જ્યારે દેશમાં લોકો ઠંડીથી ધ્રૂજી રહ્યા હોય છે, ત્યારે ભારતના કેટલાક ભાગો ચેરી બ્લોસમ્સના સુંદર દૃશ્યોથી ચમકે છે. તમે ભારતમાં પણ ચેરી બ્લોસમ્સની મજા માણી શકો છો. સામાન્ય રીતે જ્યારે આપણે ચેરી બ્લોસમ્સનું નામ સાંભળીએ છીએ ત્યારે આપણા મગજમાં પહેલા જાપાન અને કોરિયાનું નામ જ આવે છે, પરંતુ ભારતના કેટલાક ભાગો એવા છે જ્યાં ચેરી બ્લોસમ્સ જોઈ શકાય છે. ચેરી બ્લોસમ્સને જાપાનીઝમાં 'સકુરા' કહેવામાં આવે છે. તેથી જ ભારતમાં ખીલેલા ચેરી બ્લોસમ્સને 'ઈન્ડિયન સકુરા' કહેવામાં આવે છે.

આ પણ વાંચો: Travel Tips / જીવનમાં એકવાર જરૂર કરો દક્ષિણ ભારતના આ ટ્રેન રૂટની મુસાફરી, ક્યારેય નહીં ભૂલો અનુભવ

ચેરી બ્લોસમ્સ શું છે?

ચેરી બ્લોસમ્સ પ્રુનસ વૃક્ષો પર જોવા મળતા ફૂલો છે. તેનો ઉપયોગ સજાવટ માટે થાય છે. આ ફૂલો ખૂબ જ સુંદર છે અને તેનો રંગ ગુલાબી અને સફેદ હોય છે. જ્યારે આ વૃક્ષો ખીલે છે, ત્યારે સમગ્ર વિસ્તાર ગુલાબી રંગમાં ઢંકાઈ જાય છે. આ દૃશ્ય જોવું આંખો માટે કોઈ ટ્રીટથી ઓછું નથી. આ ફૂલો જ્યાં પણ ખીલે છે, તે વિસ્તારની સુંદરતામાં વધારો કરે છે.

તમે ભારતમાં ચેરી બ્લોસમ્સ ક્યાં જોઈ શકો છો?

હવે તમારે ચેરી બ્લોસમ્સ જોવા માટે વિદેશમાં ક્યાંય જવાની જરૂર નથી. તમે ભારતમાં કેટલીક જગ્યાએ તેનો આનંદ લઈ શકો છો.

શિલોંગ, મેઘાલય

શિલોંગને ભારતનું સ્કોટલેન્ડ કહેવામાં આવે છે. આખું વર્ષ અહીંનું વાતાવરણ ખુશનુમા રહે છે. અહીં શિયાળામાં ચેરી બ્લોસમ્સ જોવા મળે છે. આ સમય દરમિયાન આખું શહેર ગુલાબી રંગથી ઢંકાઈ જાય છે. શિલોંગમાં ચેરી બ્લોસમ્સ ફેસ્ટિવલ પણ ઉજવવામાં આવે છે. આ ફેસ્ટિવલને 'ઈન્ડિયા ઈન્ટરનેશનલ ચેરી બ્લોસમ્સ ફેસ્ટિવલ' કહેવામાં આવે છે. આ ફેસ્ટિવલ જોવા માટે દૂર-દૂરથી પ્રવાસીઓ અહીં આવે છે.

નાગાલેન્ડ

નાગાલેન્ડમાં પણ ચેરી બ્લોસમ્સ જોઈ શકાય છે. આ ફૂલો અહીંના જંગલોમાં પુષ્કળ પ્રમાણમાં ખીલે છે. તે નવેમ્બર મહિનામાં ખીલે છે. તમે અહીં અનેક સ્થળોની મુલાકાત લઈને તેનો આનંદ માણી શકો છો. તમે ચેરી બ્લોસમ્સની સાથે અહીંની સંસ્કૃતિને પણ ખૂબ નજીકથી જોઈ શકો છો. અહીં હોર્નબિલ ફેસ્ટિવલ પણ ઉજવવામાં આવે છે.

નોર્થ સિક્કિમ

સિક્કિમની સુંદરતાનું શબ્દોમાં વર્ણન કરવું મુશ્કેલ છે. ચેરી બ્લોસમ્સની ઋતુ  આ સ્થળને વધુ સુંદર બનાવે છે. અહીં લાચેંગ અને લાચુંગમાં તમે ચેરી બ્લોસમ્સની મજા માણી શકો છો. અહીં પણ ચેરી બ્લોસમ્સ નવેમ્બર મહિનામાં જ ખીલે છે.

ભારતમાં ચેરી બ્લોસમ્સ જોવાનો બેસ્ટ સમય નવેમ્બરથી ફેબ્રુઆરી વચ્ચેનો છે. આ સમય દરમિયાન, આ ફૂલો પુષ્કળ પ્રમાણમાં ખીલે છે અને સમગ્ર વિસ્તાર ગુલાબી રંગથી ઢંકાઈ જાય છે.

ખાસ ટીપ્સ

• કપડા - શિયાળામાં અ જગ્યાઓનું હવામાન ઠંડુ રહે છે, તેથી ગરમ કપડા સાથે રાખો.
• કેમેરા - ચેરી બ્લોસમ્સની સુંદરતા કેપ્ચર કરવા માટે સારો કેમેરો સાથે રાખો.
• ખોરાક - આ જગ્યાઓનું સ્થાનિક ભોજન જરૂર ચાખો.
• સલામતી - જંગલમાં જતી વખતે સલામતીનું ધ્યાન રાખો.