Year Ender 2024 : હિંદુ નામો આ વર્ષે રહ્યા ચર્ચામાં, ખાસ અર્થને કારણે થયા લોકપ્રિય

યુનિસેફના રિપોર્ટ અનુસાર ભારતમાં વર્ષ 2023માં 23,219,489 બાળકોનો જન્મ થયા છે. અન્ય અહેવાલો અનુસાર, ભારતમાં દરરોજ 72,787 બાળકોનો જન્મ થાય છે, એટલે કે દર કલાકે લગભગ 3 હજાર બાળકોનો જન્મ થાય છે. આ વર્ષે એટલે કે વર્ષ 2024માં પણ દેશભરમાં કરોડો બાળકોનો જન્મ થયો છે. આ વર્ષે ઘણા સેલેબ્સ પણ પહેલીવાર પેરેન્ટ્સ બન્યા છે. જ્યારે દીપિકા પાદુકોણ અને રણવીર સિંહ પહેલીવાર છોકરીના માતા-પિતા બન્યા, ત્યારે રિચા ચઢ્ઢા, અનુષ્કા-વિરાટ, મશાબા ગુપ્તા જેવા સેલેબ્સના ઘરને પારણા બંધાણા છે. બાળકનો જન્મ એ પરિવાર માટે ઉજવણી સમાન છે. દરેક માતા-પિતા આ ક્ષણ માટે ઉત્સાહિત હોય છે અને બાળકના જન્મ પહેલા જ ઘણી તૈયારીઓ શરૂ કરી દે છે. સૌ પ્રથમ નવજાત બાળકનું નામ આપવામાં આવે છે. આ વર્ષે જન્મેલા બાળકો માટે ઘણા નામો ટ્રેન્ડમાં રહ્યા. વર્ષ 2024માં હિન્દુ છોકરા-છોકરીઓના આ નામોની ચર્ચા થતી રહી. તો જાણો આ નામ વિશે... 

સેલેબ્સના બાળકોના નામ ટ્રેન્ડમાં રહે છે

આ વર્ષે એક નાનકડા મહેમાન ઘણા સેલેબ્સના ઘરે પધાર્યા. સેલેબ્સે પોતાના બાળકોને અનોખા નામ આપ્યા જે સમાચારોથી લઈને સોશિયલ મીડિયા સુધી હેડલાઈન્સમાં રહ્યા. આ વર્ષે જન્મેલા સેલિબ્રિટી બાળકોના લોકપ્રિય નામોની યાદી અહીં છે.

આ પણ વાંચો : YEAR ENDER 2024: ગૂગલ પર સૌથી વધુ સર્ચ કરાયેલ એથ્લેટ્સમાં નંબર-1 ટ્રાન્સજેન્ડર બોક્સર, હાર્દિકે કોહલીને છોડ્યો પાછળ

અકાય

વિરાટ અનુષ્કાએ પોતાના પુત્રનું નામ અકાય રાખ્યું છે. અકાય એ તુર્કી શબ્દ છે જેનો અર્થ ચમકતો ચંદ્ર અથવા પૂર્ણ ચંદ્ર થાય છે.

દુઆ

દીપિકા અને રણવીર સિંહે તેમની દીકરીને ખૂબ જ સુંદર નામ આપ્યું હતું જેની સોશિયલ મીડિયા પર ખૂબ ચર્ચા થઈ હતી. તેઓએ તેમની પુત્રીનું નામ દુઆ રાખ્યું છે. દુઆ એટલે પ્રાર્થના.

ઈશાંક

ઈશાંક નામનો અર્થ વરસાદ થાય છે. ઇશાંક નામ ભગવાન કૃષ્ણ સાથે પણ જોડાયેલું છે. ઈશાંકનો અર્થ કાળો પણ થાય છે.

અગસ્ત્ય

અગસ્ત્ય નામનો અર્થ થાય છે પર્વતોને ખસેડનાર. પૌરાણિક કથા અનુસાર હિંદુ ધર્મમાં અગસ્ત્ય નામના એક ઋષિ હતા.

ભુવિક

ભુવિક એક સુંદર હિન્દુ છોકરાનું નામ છે જેનો અર્થ હેન્ડસમ પણ થાય છે. ભુવિક એટલે સ્વર્ગ.

રુવાન

રુવાન નામ પણ પુત્ર માટે આકર્ષક છે. આ વર્ષે તેમના બાળકનું નામ રાખતી વખતે, ઘણા માતાપિતાએ રુવાન નામની શોધ કરી. રુવાન એટલે સંતોષ અને સ્વીકૃતિ અથવા સદ્ભાવના.

વિવાન

વિવાન નામ વર્ષ 2024માં ટ્રેન્ડમાં રહ્યું. પુત્ર માટે વિવાન નામ આધુનિક અને અર્થપૂર્ણ હોઈ શકે છે. વિવાન એટલે તેજસ્વી અને જીવનથી ભરપૂર. વિવાન નામ ભગવાન કૃષ્ણ સાથે જોડાયેલું છે.

રાહા

રણબીર કપૂર અને આલિયા ભટ્ટે ગયા વર્ષે જન્મેલી તેમની પુત્રીનું નામ રાહા રાખ્યું હતું, જે આ વર્ષે પણ ટ્રેન્ડમાં રહ્યું હતું. રાહા નામ અનન્ય અને આધુનિક છે. સંસ્કૃત ભાષામાં રાહા શબ્દનો અર્થ ગોત્ર થાય છે. જ્યારે બંગાળી ભાષામાં રાહાનો અર્થ આરામથી થાય છે. અરબીમાં રાહા શાંતિ સાથે સંકળાયેલ છે. ઘણી ભાષાઓમાં આ નામના જુદા જુદા અર્થો છે પરંતુ પુત્રી માટે રાહા નામનો સૌથી સુંદર અર્થ સુખ છે.