VIDEO: તેજસ્વીએ હેલિકોપ્ટરમાં કરી સંતરા પાર્ટી કહ્યું- ‘આ રંગથી તેઓ ચિડાશે તો નહીં ને’
બિહારના પૂર્વ નાયબ મુખ્યમંત્રી અને રાષ્ટ્ર
બિહારના પૂર્વ નાયબ મુખ્યમંત્રી અને રાષ્ટ્રીય જનતા દળ (RJD)ના નેતા તેજસ્વી પ્રસાદ યાદવ બુધવારે સોશિયલ મીડિયા પર શેર કરાયેલા એક કથિત વીડિયોને કારણે ટીકાઓ હેઠળ આવ્યા હતા. આ વીડિયોમાં તેઓ કથિત રીતે નવરાત્રિ દરમિયાન હેલિકોપ્ટરમાં માછલી ખાતા જોવા મળ્યા હતા. તેજસ્વીનો વધુ એક વીડિયો વાયરલ થઈ રહ્યો છે. આ વીડિયો બુધવારે RJD નેતાએ પોસ્ટ કર્યો હતો.
સોશિયલ મીડિયા પ્લેટફોર્મ X પર પોસ્ટ કરવામાં આવેલા એક વીડિયોમાં પૂર્વ નાયબ મુખ્યમંત્રી તેજસ્વી યાદવ વિકાસશીલ ઈન્સાન પાર્ટીના વડા મુકેશ સહની સાથે હેલિકોપ્ટરમાં નારંગી ખાતા જોવા મળે છે. આ વીડિયોની સાથે તેજસ્વીએ લખ્યું કે હેલો મિત્રો, આજે હેલિકોપ્ટરમાં ઓરેન્જ પાર્ટી હતી. નારંગીનો રંગ જોઈને તે ચિડાઈ નહીં જાય?
તેજસ્વી અને સહનીનો વીડિયો વાયરલ થયો
પહેલાના વીડિયોમાં તેજસ્વી યાદવ લંચ કરતા જોવા મળ્યા હતા. જેમાં તેજસ્વી અને સહની વીડિયોમાં માછલી અને રોટલી ખાતા જોવા મળે છે. 8 એપ્રિલે તે વીડિયો પોસ્ટ કરતી વખતે આરજેડી નેતાએ લખ્યું હતું કે, “ચૂંટણીની ભીડ અને વ્યસ્તતા વચ્ચે હેલિકોપ્ટરમાં ભોજન કરો.”
ભાજપના આકરા પ્રહાર
8 એપ્રીલે શેર કરેલા વીડિયોમાં સહનીએ મરચું બતાવીને વિરોધીઓને ટોણો માર્યો હતો અને કહ્યું હતું કે અમારો વીડિયો જોઈને ઘણા લોકોને મરચા લાગશે. કેન્દ્રીય મંત્રી ગિરિરાજ સિંહ અને બિહારના નાયબ મુખ્યમંત્રી વિજય કુમાર સિંહાએ તેજસ્વી યાદવને મોસમી સનાતની ગણાવ્યા અને તેમના પર તુષ્ટિકરણની રાજનીતિ કરવાનો આરોપ લગાવ્યો.
