ઉપરાષ્ટ્રપતિની ચૂંટણીમાં અત્યાર સુધી 528 સાંસદોએ મત આપ્યો, 1 વાગ્યા સુધી 67% મતદાન

ભારતના ઉપરાષ્ટ્રપતિ પદ માટે આજે ચૂંટણી યોજાશે. NDA તરફથી સી. પી. રાધાકૃષ્ણન અને વિપક્ષ તરફથી બી. સુદર્શન રેડ્ડી મેદાનમાં છે. આજની ચૂંટણીમાં બીજુ જનતા દળ અને ભારત રાષ્ટ્ર સમિતિ એમ બે પક્ષોએ મતદાન ન કરવાની જાહેરાત કરી છે. આ સિવાય શિરોમણી અકાલી દળ તરફથી પણ ચૂંટણીમાં સામેલ ન થવાની જાહેરાત કરવામાં આવી છે. જેના કારણે ચૂંટણી હવે રસપ્રદ બની ગઈ છે. 

બીજેડી-બીઆરએસ-અકાલી દળ મતદાનથી દૂર

ઓડિશાના ભૂતપૂર્વ સીએમ નવીન પટનાયકની પાર્ટી બીજેડી અને તેલંગાણાના ભૂતપૂર્વ સીએમ કેસીઆરની બીઆરએસ પછી, પંજાબના શિરોમણી અકાલી દળે પણ ઉપરાષ્ટ્રપતિની ચૂંટણીથી પોતાને દૂર રાખ્યા છે. આ ત્રણેય પક્ષોએ જાહેરાત કરી છે કે તેઓ ન તો એનડીએના રાધાકૃષ્ણનને ટેકો આપશે અને ન તો 'ઈન્ડિયા' બ્લોકના સુદર્શન રેડ્ડીને મત આપશે. આ કારણે, જીત-હારના આંકડામાં ફેરફાર નિશ્ચિત છે.