VIDEO: રતન ટાટાની અંતિમયાત્રામાં પહોંચ્યા આ 4 ખાસ લોકો, થઈ રહી છે પ્રશંસા
ટાટા ગ્રુપના પૂર્વ ચેરમેન રતન ટાટાનું બુધવારે રાત્રે મુંબઈની બ્રીચ કેન્
ટાટા ગ્રુપના પૂર્વ ચેરમેન રતન ટાટાનું બુધવારે રાત્રે મુંબઈની બ્રીચ કેન્ડી હોસ્પિટલમાં નિધન થયું હતું. ઉદ્યોગપતિ રતન ટાટાના નશ્વર દેહને ગુરુવારે સવારે મુંબઈના નરીમાન પોઈન્ટ ખાતેના NCPA લૉનમાં લાવવામાં આવ્યા હતા, જ્યાં અંતિમ સંસ્કાર પહેલા ઉમટેલી ભીડે અંતિમ શ્રદ્ધાંજલિ આપી હતી.
દરેક ધર્મના લોકો હાજર રહ્યા
રતન ટાટાના અંતિમ દર્શન માટે મોટી સંખ્યામાં લોકો એનસીપીએ લૉન ખાતે પહોંચ્યા હતા. સૌથી મહત્ત્વની વાત એ છે કે આ દરમિયાન દરેક ધર્મના લોકો હાજર રહ્યા હતા. હિન્દુ પૂજારી, ખ્રિસ્તી પાદરી, મુસ્લિમ મૌલવી અને શીખ સમુદાય પણ હાજર હતા. આ અંગે સોશિયલ મીડિયા પર રતન ટાટાના વખાણ કરતા સોશિયલ મીડિયા યુઝરે લખ્યું કે, તેમની પાછળ જે બધા ઉભા છે, જે ખરેખર સેક્યુલર છે...RIP સર રતન ટાટા...
મરીન ડ્રાઈવ રોડ બંધ
રતન ટાટાના અંતિમ સંસ્કાર દરમિયાન મુંબઈ પોલીસે એનસીપીએ લૉન તરફ જતા રસ્તાને સંપૂર્ણ રીતે ઘેરી લીધો હતો. આથી ઓબેરોય હોટલ સામેનો મરીન ડ્રાઈવ રોડ બંધ કરી દેવામાં આવ્યો હતો.
