'ચીનની સામે 56 ઈંચની છાતીને શું થયું હતું, મોદી- રાજનાથની સચ્ચાઈ લોકો સામે આવશે'; નરવણેની બુક મુદ્દે રાહુલ ગાંધી
રાષ્ટ્રપતિના અભિભાષણ પર ચર્ચા દરમિયાન કોંગ્રેસના નેતા રાહુલ ગાંધીએ ડોકલામ મુદ્દો ઉ
રાષ્ટ્રપતિના અભિભાષણ પર ચર્ચા દરમિયાન કોંગ્રેસના નેતા રાહુલ ગાંધીએ ડોકલામ મુદ્દો ઉઠાવ્યો, જેના કારણે ભારે હોબાળો થયો. શરૂઆતમાં ગૃહની કાર્યવાહી સાંજે 4 વાગ્યા સુધી મુલતવી રાખવામાં આવી હતી. 4 વાગ્યે ગૃહમાં બબાલ થતાં હવે મંગળવારે બપોરે 12 વાગ્યા સુધી મુલતવી રાખવામાં આવી છે. કોંગ્રેસનો આરોપ છે કે રાહુલ ગાંધીને ગૃહમાં રાષ્ટ્રીય સુરક્ષાના મુદ્દાઓ પર બોલવા દેવામાં આવી રહ્યા નથી. કોંગ્રેસ રાષ્ટ્રીય સુરક્ષા પર ચર્ચાની માંગ કરી રહી છે.
ત્યારબાદ રાહુલ ગાંધીએ ગૃહની બહાર મીડિયાકર્મીઓ સાથે વાત કરી. આ દરમિયાન રાહુલ ગાંધીએ કહ્યું કે, "આ આર્મી ચીફ મનોજ મુકુંદ નરવણેનું નિવેદન છે. આર્મી ચીફે લખેલા પુસ્તકને પ્રકાશિત થવા દેવામાં આવી રહ્યું નથી,પેન્ડિંગ છે.
આ આર્મી ચીફનો દૃષ્ટિકોણ છે. તેમની નજર છે. સવાલ એ છે કે તેઓ આર્મી ચીફથી આટલા ડરેલા કેમ છે? તેઓ એ વાતથી કેમ ડરી રહ્યા છે કે આર્મી ચીફે શું લખ્યું. લોકો આમાંથી શીખશે. વડાપ્રધાન બાબતે પણ કંઈક શીખશે. રાજનાથ સિંહ વિશે પણ કંઈક જાણશે.એ પણ જાણવા મળશે કે સેનાને કેવી રીતે નિરાશ કરવામાં આવી. જે દેશના રાજકીય નેતૃત્વ દ્વારા કરવામાં આવ્યું હતું.
તેમણે કહ્યું, "હું જે કહેવાનો પ્રયાસ કરી રહ્યો છું તે એ છે કે ભૂતપૂર્વ આર્મી ચીફ નરવણેએ તેમના પુસ્તકમાં વડાપ્રધાન અને રાજનાથ સિંહ વિશે સ્પષ્ટપણે લખ્યું છે. આનો ઉલ્લેખ એક લેખમાં પણ કરવામાં આવ્યો હતો. હું તે લેખ ટાંકી રહ્યો છું. પરંતુ મને બોલવાની મંજૂરી નથી.
હું એમ નથી કહેતો કે મેં આ લખ્યું છે. ભૂતપૂર્વ આર્મી ચીફ નરવણેએ આ પુસ્તક લખ્યું છે. તેઓ ડરી ગયા છે. કારણ કે જો આ પુસ્તક બહાર આવશે, તો લોકો નરેન્દ્ર મોદી અને રાજનાથ સિંહ વિશે વાસ્તવિક સત્ય જાણશે. લોકોને એ પણ ખબર પડશે કે જ્યારે ચીન આપણી સામે ઊભું હતું અને આગળ વધી રહ્યું હતું ત્યારે 56 ઇંચની છાતીનું શું થયું હતું.
ભાજપે ભૂતપૂર્વ આર્મી ચીફ નરવણેનો જૂનો વીડિયો શેર કર્યો
ભારતીય જનતા પાર્ટી (ભાજપ) એ X પર ભૂતપૂર્વ આર્મી ચીફ નરવણેનો એક જૂનો વીડિયો શેર કર્યો છે. વીડિયોમાં નરવણે કહે છે કે ડોકલામ ગતિરોધ દરમિયાન ભારતે એક ઇંચ પણ જમીન ગુમાવી નથી. નરવણે સમજાવે છે કે પરિસ્થિતિ અથડામણ પહેલા જેવી જ છે તેવી જ છે.
