થલાપતિ વિજયને ડેપ્યુટી સીએમ પદની ઓફર, તમિલનાડુ જીતવા ભાજપનો મોટો દાવ

તમિલનાડુના રાજકારણમાં, 'સિનેમા' અને 'રાજકારણ' વચ્ચેનો સંબંધ હંમેશા ગાઢ રહ્યો છે. હવે આ ગાથામાં એક નવો અધ્યાય જોડાય તેવું દેખાઈ રહ્યું છે. તમિલનાડુમાં  સત્તા પર પોતાની પકડ મજબૂત કરવા  ભાજપે અભિનેતામાંથી રાજકારણી બનેલા વિજયની આગેવાની હેઠળની TVK ને ગઠબંધનની ખુલ્લી ઓફર આપી છે. સૂત્રોનો દાવો છે કે, ભાજપે વિજયને નાયબ મુખ્યમંત્રી પદની ઓફર મુકી છે. પાર્ટીના અંતરગ સૂત્રોના જણાવ્યા મુજબ ભાજપે આ ગઠબંધનમાં TVK પાર્ટીને 80 સીટો ફાળવવાની ઓફર પણ કરી છે. ભાજપ હાઇકમાન્ડનું માનવું છે કે, જો વિજયની ફેન્સના મતો NDAને મળે તો રાજ્યનું ચૂંટણી પરિણામ બદલાઈ શકે છે. 
 
ભાજપના રણનીતિકારોનું મૂલ્યાંકન છે કે તમિલનાડુના ઉગ્ર સ્પર્ધાત્મક રાજકીય ક્ષેત્રમાં મતોમાં માત્ર ૨ ટકાનો તફાવત પણ જીત અને હારની દિશા બદલી શકે છે. વિજયની તમિલનાડુમાં લોકપ્રિયતા જોતાં ભાજપ તેમને પોતાના પક્ષમાં લાવવા માટે એડિચોટીનું જોર લગાવ્યું છે.

એવું અહેવાલ છે કે, TVKના વિજયને એનડીએમાં લાવવા માટે અન્ય રાજ્યના નાયબ મુખ્યમંત્રી મધ્યસ્થી તરીકે ભૂમિકા ભજવી રહ્યા છે, જેનાથી વિજય સાથે વાતચીતનો માર્ગ મોકળો થયો છે. ભાજપે ભલે નાયબ મુખ્યમંત્રી પદ અને 80 બેઠકોની ઓફર કરી હોય પરંતુ અભિનેતા વિજયની નજર મુખ્યમંત્રીની ખુરશી પર અટકી છે. રાજકીય વિશ્લેષકો સૂચવે છે કે વિજય પોતાના પહેલા ચૂંટણી અભિયાનથી  મુખ્ય ભૂમિકા નિભાવવા માંગે છે જે હાલમાં ચાલી રહેલી વાટાઘાટોમાં સૌથી મોટી "સ્પીડ બ્રેકર" તરીકે ઉભી છે.
 
આ દરમિયાન  વિજયના નજીકના સલાહકારોમાં આ સંભવિત જોડાણ અંગે પણ ચિંતાઓ છે. વિજયે પોતાની રાજકીય કારકિર્દીની શરૂઆત એક "ત્રીજા વિકલ્પ" અને એક સ્વતંત્ર રાજકીય બળ તરીકે કરી છે.  તેમના સલાહકારોને ડર છે કે તેમની સફરની શરૂઆતમાં NDAનો હિસ્સો બની જવાથી તેમની નવી અને અલગ રાજનીતિની છાપ ખરાબ થઈ જશે.  

જો આ જોડાણ વાસ્તવિકતા બનશે, તો રાજ્યમાં મુખ્ય ચૂંટણી હરીફાઈ ત્રિકોણીય અથવા તો  ત્રિકોણાકાર લડાઈમાં પરિણમી શકે છે અથવા નવા રાજકીય ધ્રુવીકરણ તરફ દોરી શકે છે. અત્યાર સુધી, રાજ્યનું રાજકારણ DMK અને AIADMK ની આસપાસ ફરતું હતું. વિજય અને ભાજપ વચ્ચેની ભાગીદારી આ બે સ્થાપિત પ્રાદેશિક પક્ષો માટે મોટો પડકાર ઉભો કરી શકે છે.