'100 રૂપિયા લો, છોકરી પર બળાત્કાર કરો અને મારી નાખો...', સ્કૂલના વિદ્યાર્થીએ મિત્રને આપી સોપારી

પુણેથી એક ખૂબ જ ચોંકાવનારી ઘટના સામે આવી છે. અહીં એક વિદ્યાર્થીએ તેના મિત્રને સાથી વિદ્યાર્થીની પર બળાત્કાર અને હત્યા કરવાનો કરાર આપ્યો.અહેવાલ મુજબ, તેણે છોકરી પર બળાત્કાર કરીને તેની હત્યા કરવા માટે 100 રૂપિયાની સોપારી આપી હતી. 

માહિતી અનુસાર દૌંડ તાલુકામાં સેન્ટ સેબેસ્ટિયન અંગ્રેજી શાળાના એક વિધાર્થીનીએ શિક્ષકને કહ્યું કે એક વિદ્યાર્થીએ તેના માતાપિતાની નકલી સહીઓ બનાવી છે.

આ પછી, તે  વિદ્યાર્થી ગુસ્સે ભરાયો અને બીજા વર્ગના વિદ્યાર્થીને 100 રૂપિયા આપ્યા અને તે વિદ્યાર્થિની સાથે બળાત્કાર કરીને હત્યા કરવાનું કહ્યું. શાળાના આચાર્ય અને શિક્ષકોએ શાળાની પ્રતિષ્ઠા બચાવવા માટે આ બાબતને દબાવવાનો પ્રયાસ કર્યો. જોકે, માહિતી મળ્યા બાદ પોલીસે ફરિયાદ નોંધી છે. એફઆઈઆરમાં આરોપ મૂકવામાં આવ્યો છે કે પ્રિન્સિપાલ અને બે શિક્ષકોએ વિદ્યાર્થીને માનસિક રીતે હેરાન કર્યો અને તેનો અભ્યાસ બરબાદ કર્યો.

હાથરસમાંથી 13 વર્ષના છોકરાએ 9 વર્ષના બાળકની હત્યા કરી હતી.

ગયા મહિને જ, ઉત્તર પ્રદેશના હાથરસમાંથી 13 વર્ષના છોકરાની ધરપકડ કરવામાં આવી હતી. તેણે 9 વર્ષના બાળકની હત્યા કરી હતી. તપાસમાં જાણવા મળ્યું કે આરોપીએ હત્યા એટલા માટે કરી હતી કે બોર્ડિંગ સ્કૂલ બંધ થઈ જાય અને તે ઘરે જઈ શકે.

રિપોર્ટ અનુસાર, પોલીસે જણાવ્યું હતું કે 26 સપ્ટેમ્બરના રોજ, 9 વર્ષના બાળકનો મૃતદેહ સ્કૂલ ડિરેક્ટરની કારની પાછળની સીટ પરથી મળી આવ્યો હતો. પહેલી શંકા ડિરેક્ટર પર પડી. લોકો માનતા હતા કે તેણે કૌટુંબિક સમસ્યા ઉકેલવા અને શાળાનું નામ પ્રખ્યાત કરવા માટે બાળકની બલિ ચઢાવી છે. બાદમાં આ કેસમાં પાંચ લોકોની ધરપકડ કરવામાં આવી હતી. તેમના પર પુરાવા સાથે છેડછાડ કરવાનો આરોપ હતો. આ પછી ખબર પડી કે એક છોકરો જાણવાનો પ્રયાસ કરી રહ્યો હતો કે શાળા કેવી રીતે બંધ થશે. જ્યારે તેની પૂછપરછ કરવામાં આવી ત્યારે તેણે હત્યાની કબૂલાત પણ કરી લીધી. તેણે વિદ્યાર્થીનું રૂમાલ વડે ગળું દબાવીને હત્યા કરી નાખી.