BIHAR : ભાજપે RLD અધ્યક્ષ ઉપેન્દ્ર કુશવાહાને આપ્યું ઇનામ, લોકસભામાં હાર્યા બાદ પણ મોકલશે રાજ્યસભામાં
Upendra Kushwaha Will Go To Rajya Sabha from bihar : NDAએ RLD પાર્ટીના અધ્યક્ષ ઉપેન્દ્ર ક
Upendra Kushwaha Will Go To Rajya Sabha from bihar : NDAએ RLD પાર્ટીના અધ્યક્ષ ઉપેન્દ્ર કુશવાહાને બિહારથી રાજ્યસભામાં મોકલવાની જાહેરાત કરી છે. તેઓ બિહારની કરકટ લોકસભાથી એનડીએના ઉમેદવાર હતા પરંતુ હારી ગયા હતા. લોકસભા ચૂંટણી હારવા છતાં ભાજપે RLD અધ્યક્ષ ઉપેન્દ્ર કુશવાહાને ઈનામ આપ્યું છે અને રાજ્યસભામાં મોકલવાનો નિર્ણય કર્યો છે.
પીએમ મોદીનો આભાર માન્યો
ઉપેન્દ્ર કુશવાહાએ સોશિયલ મીડિયા પર એક પોસ્ટ દ્વારા આ માહિતી આપી છે. આનંદ વ્યક્ત કરતા તેમણે પાર્ટીના નેતાઓ અને તમામ કાર્યકર્તાઓનો આભાર માન્યો અને લખ્યું છે -
“રાજ્યસભાના સભ્યપદ માટે એનડીએ વતી મારી ઉમેદવારીની જાહેરાત માટે, બિહારની સામાન્ય જનતા અને રાષ્ટ્રીય લોક મોરચા સહિત એનડીએના તમામ ઘટક પક્ષોના મહેનતુ કાર્યકરો, જેમણે પ્રતિકૂળ સંજોગોમાં પણ મારા પ્રત્યેનો લગાવ જાળવી રાખ્યો હતો, ભારતના આદરણીય વડાપ્રધાન નરેન્દ્ર મોદી, બિહારના લોકપ્રિય મુખ્યમંત્રી નીતિશ કુમાર, અમિત શાહ, જેપી નડ્ડા સાહેબ, ચિરાગ પાસવાન, જીતન રામ માંઝી, સમ્રાટ ચૌધરી અને NDA ના અન્ય નેતાઓ અને કાર્યકરોનો હૃદયપૂર્વક આભાર.”
ઉપેન્દ્ર કુશવાહાને રાજ્યસભામાં મોકલવાના કારણો
હવે સવાલ એ છે કે તેમને રાજ્યસભામાં મોકલવા પાછળ ભાજપનું ખાસ કારણ કે વ્યૂહરચના શું હોઈ શકે? તેમને બિહાર અને ખાસ કરીને કુશવાહા સમુદાયના મોટા નેતા માનવામાં આવે છે. આવી સ્થિતિમાં ભાજપે તેમને રાજ્યસભામાં મોકલવાનો નિર્ણય કરીને ઘણાં સંદેશાઓ આપ્યાં છે.
એવી ચર્ચા ચાલી રહી છે કે લોકસભાની ચૂંટણી દરમિયાન ઉત્તર પ્રદેશમાં ભાજપની હારનું એક મહત્ત્વનું કારણ જ્ઞાતિના ગણિત માટે વ્યવસ્થિત આયોજન ન કરી શકવાનું હતું, પરંતુ ભાજપ ભવિષ્યની ચૂંટણીમાં આ ભૂલનું પુનરાવર્તન કરવા માગતી નથી. બિહારમાં કુશવાહા સમુદાયની સારી સંખ્યા છે અને ઉપેન્દ્ર કુશવાહાની પકડ પણ ઘણી મજબૂત માનવામાં આવે છે.
