Budget 2026: ભારત સામેના વાસ્તવિક પડકારોની અવગણના કરાઈ, રાહુલ ગાંધીએ બજેટ અંગે આપી પ્રતિક્રિયા

કોંગ્રેસના નેતા રાહુલ ગાંધીએ બજેટ પર પ્રતિક્રિયા આપી છે. યુવાનો, ખેડૂતો અને રોકાણકારોનો ઉલ્લેખ કરતા તેમણે દાવો કર્યો છે કે બજેટ ભારતના વાસ્તવિક પડકારોથી અજાણ છે. રાહુલ ગાંધીએ જણાવ્યું હતું કે કેન્દ્રીય બજેટ ભારત સામેના વાસ્તવિક પડકારોને અવગણે છે.

વાસ્તવિક પડકારો તરફ આંખ આડા કાન કરાયા

લોકસભાના વિરોધ પક્ષના નેતા રાહુલ ગાંધીએ સોશિયલ મીડિયા પ્લેટફોર્મ "X" પર પોસ્ટ કર્યું, "યુવાનો બેરોજગાર છે, ઉત્પાદન ઘટી રહ્યું છે, રોકાણકારો મૂડી પાછી ખેંચી રહ્યા છે, સ્થાનિક બચત ઘટી રહી છે, ખેડૂતો કટોકટીમાં છે, અને આવનારા વૈશ્વિક પડકારોની અવગણના કરવામાં આવી છે." તેમણે દાવો કર્યો હતો કે આ એક એવું બજેટ છે જે પડકારોનો સામનો કરવાને બદલે વાસ્તવિક પડકારો તરફ આંખ આડા કાન કરે છે.

 મોદી સરકારે નિર્ણાયક પગલાંનો માર્ગ અપનાવ્યો: નાણા મંત્રી

નાણામંત્રી નિર્મલા સીતારમણ સંસદમાં બજેટ રજૂ કર્યું છે. તેમણે કહ્યું કે સ્થાનિક ઉત્પાદન ક્ષમતાનું નિર્માણ થયું છે અને ઉર્જા સુરક્ષા મજબૂત થઈ છે. સરકારે વાણી-વર્તનની જગ્યાએ સુધારાઓને પસંદ કર્યા છે. મોદી સરકારે નિર્ણાયક પગલાંનો માર્ગ અપનાવ્યો છે. ભારતની વિકાસ યાત્રા સતત આર્થિક વૃદ્ધિ અને નિયંત્રિત ફુગાવા દ્વારા ચિહ્નિત છે. નીતિગત નિર્ણયોએ મજબૂત મેક્રોઇકોનોમિક સ્થિરતા સુનિશ્ચિત કરી છે.

નાણામંત્રી નિર્મલા સીતારમણે કહ્યું, "અમારું પહેલું કર્તવ્ય અર્થતંત્રનો ઝડપથી વિકાસ કરવાનો છે. આ અશાંત વૈશ્વિક વાતાવરણમાં આપણે સ્થિર રહેવું જોઈએ. બજેટનો લાભ દરેક ગરીબ વ્યક્તિને મળવો જોઈએ. સુધારાની ગતિ ઝડપથી આગળ વધી રહી છે અને તેની ગતિ જાળવી રાખવામાં આવશે. કેન્દ્ર સરકાર રાજ્યો સાથે નજીકથી કામ કરી રહી છે."

સતત આર્થિક વિકાસ માટે શું છે પ્લાન? 

પ્રથમ - વિનિર્માણ ક્ષેત્રોને વ્યૂહાત્મક સરહદો તરફ લઈ જઇશું 
બીજું - પરંપરાઓ જાળવી રાખીશું 
ત્રીજું - ચેમ્પિયન MSMEનું સર્જન 
ચોથું - શક્તિશાળી માળખું તૈયાર કરીશું 
પાંચમું - સ્થિરતાવાળો માહોલ બનાવીશું 
છ - સિટી ઈકોનોમિક ક્ષેત્ર તૈયાર કરીશું 

કન્ટેનર મેન્યુફેક્ચરિંગ ઈકોસિસ્ટમ માટે 10 હજાર કરોડની ફાળવણી 

નાણામંત્રીએ કહ્યું કે વૈશ્વિક સ્તરે કન્ટેનર મેન્યુફેક્ચરિંગ ઈકોસિસ્ટમની સ્થાપના કરવામાં આવશે. તેના માટે 10 હજાર કરોડની ફાળવણી આગામી પાંચ વર્ષ માટે કરવામાં આવી રહી છે. 

7 ટકાથી વધુનો ગ્રોથ કર્યો 

સીતારમણે કહ્યું કે, લોકોની યુનિવર્સલ સર્વિસ પર ધ્યાન આપવાથી 7% નો વૃદ્ધિ દર હાંસલ કરવામાં મદદ મળી છે. ગરીબી હટાવવા માટે અમે વિકસિત ભારતના વિઝન તરફ કામ કરતા રહીશું. લોંગટર્મ ઇન્વેસ્ટમેન્ટના વિઝન સાથે આગળ વધીશું. 

રિફોર્મ એક્સપ્રેસ - અમારી સરકાર ઉત્પાદન વધારવા અને વૃદ્ધિને વેગ આપવા માટે પ્રયાસો ચાલુ રાખી રહી છે. 
2025માં 350થી વધુ આર્થિક સુધારાઓ કર્યા.
આર્થિક વિકાસ માટે 6 સેક્ટરમાં સુધારો 
બાયો ફાર્મા સેક્ટરમાં 10 હજાર કરોડનું રોકાણ કર્યું
ઇલેક્ટ્રોનિક સાધનો બનાવવા માટે 40 હજાર કરોડ રૂપિયાની જોગવાઈ કરવામાં આવી છે.