PM મોદી અમેરિકા પહોંચ્યા; ક્વાડમાં ભાગ લેશે, યુએન સમિટને સંબોધશે

વડાપ્રધાન નરેન્દ્ર મોદી શનિવારે ત્રણ દિવસીય અમેરિકાના પ્રવાસે રવાના થયા છે. આ મુલાકાત દરમિયાન તેઓ વાર્ષિક 'ક્વાડ' સમિટમાં ભાગ લેશે અને સંયુક્ત રાષ્ટ્ર મહાસભામાં 'સમિટ ઓફ ધ ફ્યુચર'ને સંબોધિત કરશે. વિદેશ મંત્રાલયે મંગળવારે તેમની મુલાકાતની માહિતી આપી હતી.

પીએમ નરેન્દ્ર મોદી વાર્ષિક 'ક્વાડ' સમિટ બેઠકમાં ભાગ લેવા માટે અમેરિકા પહોંચી ગયા છે. તેઓ અહીં સંયુક્ત રાષ્ટ્ર મહાસભામાં એક કાર્યક્રમને પણ સંબોધિત કરશે. તેમનું પ્લેન ફિલાડેલ્ફિયા ઈન્ટરનેશનલ એરપોર્ટ પર લેન્ડ થયું છે.

X પર જુઓ

પીએમ મોદીનું સ્વાગત કરવા ફિલાડેલ્ફિયા એરપોર્ટ પર ભારતીય પ્રવાસીઓ પહોંચ્યા

પીએમ નરેન્દ્ર મોદીના સ્વાગત માટે ફિલાડેલ્ફિયા ઇન્ટરનેશનલ એરપોર્ટની બહાર ભારતીય પ્રવાસીઓ પહોંચ્યા. ભારતીય પ્રવાસી ડો.અવિનાશ ગુપ્તાએ જણાવ્યું હતું કે અમે વડાપ્રધાનનું સ્વાગત કરવા આતુર છીએ. તેમની આ મુલાકાતથી ભારત-અમેરિકાના સંબંધો વધુ મજબૂત બનશે. અમે પીએમ મોદીને સાંભળવા માંગીએ છીએ. અન્ય એનઆરઆઈએ કહ્યું કે અમે મોદીજીના સાંસ્કૃતિક રાજદૂત તરીકે અમેરિકામાં રહીએ છીએ. અમે મોદીજીના માર્ગદર્શનને અનુસરીને ભારતને ગૌરવ અપાવવા માંગીએ છીએ.

PM મોદી ડેલવેરમાં ક્યાં રહેશે?

અમેરિકામાં ઉતર્યા બાદ વડાપ્રધાન નરેન્દ્ર મોદી ડેલાવેરના વિલ્મિંગ્ટનમાં હોટેલ ડુ પોન્ટ પહોંચશે. તેમના સ્વાગત માટે હોટલની બહાર જોરદાર તૈયારીઓ થઈ રહી છે.