NIAને મળી મોટી સફળતા, KTFની આતંકવાદી પ્રવૃત્તિઓ સાથે સંકળાયેલ બલજીત સિંહની ધરપકડ
ભારતમાં ખાલિસ્તાની આતંકવાદી નેટવર્કને તોડી પાડવાના પ્રયાસોમાં એક મોટી સફળતા મેળવતા નેશનલ ઇન્
ભારતમાં ખાલિસ્તાની આતંકવાદી નેટવર્કને તોડી પાડવાના પ્રયાસોમાં એક મોટી સફળતા મેળવતા નેશનલ ઇન્વેસ્ટિગેશન એજન્સી (NIA) એ ગુરુવારે ખાલિસ્તાન ટેરરિસ્ટ ફોર્સ (KTF)ના નિયુક્ત આતંકવાદી અર્શદીપ સિંહ દાલા ઉર્ફે અરશ દાલાના એક નજીકના સહયોગીની દિલ્હી એરપોર્ટ પરથી ધરપકડ કરી હતી.
પંજાબના ભટિંડા જિલ્લાના બલજીત સિંહ ઉર્ફે બલજીત મૌરને યુએઈથી ઈન્દિરા ગાંધી ઈન્ટરનેશનલ એરપોર્ટ પર પહોંચતા જ એનઆઈએ દ્વારા કસ્ટડીમાં લેવામાં આવ્યો હતો. પ્રતિબંધિત KTFની આતંકવાદી પ્રવૃત્તિઓ સંબંધિત RC-02/2024/NIA/DLI કેસમાં વોન્ટેડ હોવા ઉપરાંત, તે અન્ય ઘણા કેસોમાં પણ વોન્ટેડ હતો.
બલજીત, જેની સામે આ વર્ષે ફેબ્રુઆરીમાં લુક આઉટ સર્ક્યુલર (LOC) જારી કરવામાં આવ્યો હતો, તેની સામે જૂન 2024 થી ધરપકડનું બિન-જામીનપાત્ર વોરંટ પણ હતું. તેની ધરપકડ આતંકવાદ સામેની ભારતની લડાઈમાં ખાસ કરીને KTF અને દાલાની પ્રવૃત્તિઓના સંદર્ભમાં નોંધપાત્ર વિકાસ દર્શાવે છે.
NIAની તપાસમાં બહાર આવ્યું છે કે બલજીત લોજિસ્ટિક્સ સપોર્ટ પૂરો પાડવા, નવા કેડરની ભરતી કરવા તેમજ આરોપી અર્શ દલાના ભારત સ્થિત સહયોગીઓને ટેરર ફંડિંગ પહોંચાડવામાં સામેલ હતો. 13 ફેબ્રુઆરી 2024ના રોજ NIA દ્વારા RC-02/2024/NIA/DLI નોંધાયેલ સુઓ મોટો કેસમાં પંજાબમાં આતંક ફેલાવવાના KTF કાવતરામાં તે મુખ્ય કાવતરાખોર હતો. NIA કેસ મુજબ, KTF ઓપરેટિવ્સ / સભ્યો / ઓપરેટરો ખંડણી પ્રવૃત્તિઓ, નવા કેડરની ભરતી, લક્ષ્યાંકિત હત્યાઓ, હથિયારો અને દારૂગોળો ભારતમાં દાણચોરી દ્વારા આતંકવાદી ભંડોળ એકત્ર કરવામાં રોકાયેલા હતા.
