VIDEO: ખંડાલા એક્સપ્રેસવે પર ભૂસ્ખલન, મુંબઈ તરફનો માર્ગ તાત્કાલિક બંધ

મહારાષ્ટ્રના ખંડાલા એક્સપ્રેસવે મિસિંગ લિંક વિસ્તારમાં ભારે વરસાદ બાદ ભૂસ્ખલનની ઘટના સામે આવી છે. મુંબઈ-પુણે એક્સપ્રેસવેના ખંડાલા એક્ઝિટ નજીક પથ્થરો અને માટી ધસી આવતાં મુંબઈ તરફ જતો કેરેજવે સુરક્ષાના કારણોસર તાત્કાલિક બંધ કરી દેવાયો છે. ઘટનાની જાણ થતાં હાઈવે પોલીસ, માર્ગ જાળવણી વિભાગ અને બચાવ ટીમો સ્થળ પર પહોંચી ગઈ હતી. માર્ગ પરથી કાટમાળ હટાવવાની કામગીરી યુદ્ધના ધોરણે હાથ ધરવામાં આવી રહી છે. વાહનચાલકોને વૈકલ્પિક માર્ગોનો ઉપયોગ કરવાની સૂચના આપવામાં આવી છે, જેના કારણે આસપાસના વિસ્તારોમાં ટ્રાફિકનું ભારણ વધ્યું છે. અધિકારીઓ સતત પરિસ્થિતિ પર નજર રાખી રહ્યા છે અને વધુ ભૂસ્ખલનની શક્યતાને ધ્યાનમાં રાખીને સતર્કતા વધારી છે. ભારે વરસાદને કારણે પહાડી વિસ્તારોમાં મુસાફરી કરતી વખતે સાવચેતી રાખવા અને વહીવટી તંત્રની સૂચનાઓનું પાલન કરવા લોકોને અપીલ કરવામાં આવી છે.