ધરપકડ બાદ કેજરીવાલનું વજન 4.5 કિલો ઘટી ગયું, AAPના નેતા આતિશીનો દાવો

તિહાર જેલમાં બંધ દિલ્હીના મુખ્યમંત્રી અરવિંદ કેજરીવાલનું વજન ઝડપથી ઘટી રહ્યું છે. આમ આદમી પાર્ટીના સૂત્રોએ આ મોટો દાવો કર્યો છે. સૂત્રોના જણાવ્યા અનુસાર ધરપકડ બાદ કેજરીવાલે સાડા ચાર કિલો વજન ઘટ્યું છે. ઝડપથી ઘટી રહેલા વજનને લઈને ડૉક્ટરોએ ચિંતા વ્યક્ત કરી છે. કેજરીવાલ ત્રણ દિવસથી જેલમાં છે. સોમવારે તેમને 15 દિવસ માટે જેલમાં મોકલી દેવામાં આવ્યા હતા.

દિલ્હીના મુખ્યમંત્રી અરવિંદ કેજરીવાલ હાલ તિહાર જેલ નંબર 2 માં છે. 4 દિવસના રિમાન્ડ બાદ EDએ સોમવારે તેમને દિલ્હીની રાઉઝ એવન્યુ કોર્ટમાં રજૂ કર્યા હતા. સુનાવણી બાદ કોર્ટે તેમને 15 દિવસની જ્યુડિશિયલ કસ્ટડીમાં મોકલી દીધા હતા. કેજરીવાલને તિહાર જેલમાં મોકલતા પહેલા તેમનું મેડિકલ કરવામાં આવ્યું હતું. મેડિકલ તપાસ બાદ તેમને તિહાર જેલ નંબર 2માં ખસેડવામાં આવ્યા હતા.

કેજરીવાલ 15 એપ્રિલ સુધી જેલમાં રહેશે

કેજરીવાલ 15 એપ્રિલ સુધી જેલના સળિયા પાછળ રહેશે. તેઓ જેલમાં માત્ર છ લોકો મળી શકે છે. કેજરીવાલે આ માટે છ નામ સૂચવ્યા છે. તેમની પત્ની સુનીતા, પુત્ર પુલકિત અને પુત્રી હર્ષિતા ઉપરાંત ત્રણ મિત્રોના નામ પણ આમાં સામેલ છે. આમાં પહેલું નામ સંદીપ પાઠકનું છે, આ સિવાય બીજું નામ વિભવનું છે. આ સિવાય અન્ય એક મિત્રના નામનો ખુલાસો કરવામાં આવ્યો નથી.