કેજરીવાલને મળ્યા જામીન, કોર્ટે શરાબ નીતિ ગોટાળામાં 1 લાખના બોન્ડ પર આપ્યા જામીન
કોર્ટે શરાબ નીતિ ગોટાળામાં 1 લાખના બોન્ડ પર કેજરીવાલના જામીન મંજૂર કર્યા છે. દ
કોર્ટે શરાબ નીતિ ગોટાળામાં 1 લાખના બોન્ડ પર કેજરીવાલના જામીન મંજૂર કર્યા છે. દિલ્હીની રાઉઝ એવન્યુ કોર્ટે અરવિંદ કેજરીવાલને જામીન આપ્યા છે. દિલ્હીના સીએમ અરવિંદ કેજરીવાલને ગુરુવારે દારૂ કૌભાંડ સંબંધિત મની લોન્ડરિંગ કેસમાં મોટી રાહત મળી છે. EDએ જામીનનો વિરોધ કરવા માટે 48 કલાકનો સમય માંગ્યો છે. કોર્ટે કહ્યું કે આવતીકાલે ડ્યુટી જજ સમક્ષ આ દલીલો થઈ શકે છે.
ગુરુવારે રાઉઝ એવન્યુ કોર્ટે કથિત દારૂ કૌભાંડમાં ધરપકડ કરાયેલ કેજરીવાલને મોટી રાહત આપી છે. આ પહેલા સુપ્રીમ કોર્ટે કેજરીવાલને 21 દિવસ માટે વચગાળાના જામીન આપ્યા હતા. 2 જૂને આત્મસમર્પણ કર્યા પછી, તે ફરીથી તિહાર જેલમાં ગયા હતા. તેમણે રાઉઝ એવન્યુ કોર્ટમાં જામીન માટે અરજી કરી હતી.
સ્પેશિયલ જજ ન્યાય બિંદુની કોર્ટે તેને 1 લાખ રૂપિયાના અંગત બોન્ડ પર જામીન આપ્યા છે. EDએ કોર્ટને અપીલ કરી કે તે જામીન બોન્ડ પર સહી કરવા માટે 48 કલાકનો સમય આપે જેથી કરીને આ આદેશને ઉચ્ચ અદાલતમાં પડકારી શકાય. ન્યાયાધીશે કહ્યું છે કે આદેશ પર કોઈ સ્ટે આપવામાં આવશે નહીં.
તમને જણાવી દઈએ કે દિલ્હીના સીએમ અરવિંદ કેજરીવાલને દારૂ કૌભાંડ સંબંધિત મની લોન્ડરિંગ કેસમાં આરોપી બનાવવામાં આવ્યા હતા. ED દ્વારા તેમને આરોપી બનાવવામાં આવ્યા હતા અને દારૂ કૌભાંડ કેસમાં ધરપકડ કરવામાં આવી હતી. આ પહેલા દિલ્હીના સીએમને મે મહિનામાં લોકસભા ચૂંટણીના પ્રચાર માટે જેલમાંથી બહાર આવવાની પરવાનગી આપવામાં આવી હતી અને ત્યાર બાદ ચૂંટણી પૂરી થતા જ તેમને તિહાર જેલમાં આત્મસમર્પણ કરવાનો આદેશ આપવામાં આવ્યો હતો. હવે તેમને નિયમિત જામીન મળી ગયા છે. આ નિર્ણયને લઈને આમ આદમી પાર્ટીમાં પણ ખુશીનો માહોલ છે.
