J-K: બારામુલ્લામાં કોર્ટ સંકુલની અંદર બ્લાસ્ટ, એક પોલીસકર્મી ઘાયલ

જમ્મુ કાશ્મીર: બારામુલ્લામાં કોર્ટ સંકુલની અંદર બ્લાસ્ટ થયો છે જેમાં એક પોલીસકર્મી ઘાયલ થયો છે. બારામુલ્લામાં ગ્રેનેડ બ્લાસ્ટ થયો છે. આ બ્લાસ્ટ માલખાના કોર્ટ પરિસરમાં થયો હતો. આ ઘટનામાં એક પોલીસકર્મી ઘાયલ થયો છે. પોલીસના જણાવ્યા અનુસાર સ્થિતિ કાબુમાં છે. લોકોને અફવાઓ પર ધ્યાન ન આપવાની અપીલ કરવામાં આવી છે.

ત્રાલમાં આતંકવાદીઓએ મજૂરને ગોળી મારી

આ ઘટનાના થોડા સમય પહેલા આતંકવાદીઓએ ઉત્તર પ્રદેશના એક મજૂરને ત્રાલમાં ગોળી મારી હતી, જેમાં તે ઘાયલ થયો હતો. અધિકારીઓએ આ માહિતી આપી હતી. અધિકારીઓએ જણાવ્યું કે બિજનૌરના રહેવાસી શુભમ કુમારને આતંકવાદીઓએ બટાગુંડ ગામમાં ગોળી મારી હતી. કુમારને હાથમાં ગોળી વાગી હતી.

તેમણે જણાવ્યું કે કુમારને સારવાર માટે હોસ્પિટલમાં લઈ જવામાં આવ્યો હતો. છેલ્લા એક સપ્તાહમાં કાશ્મીરમાં પ્રવાસી મજૂરો પર હુમલાનો આ ત્રીજો મામલો છે.

રવિવારે, ગાંદરબલ જિલ્લામાં એક બાંધકામ સ્થળ પર થયેલા આતંકવાદી હુમલામાં છ પરપ્રાંતિય મજૂરો અને એક સ્થાનિક ડૉક્ટરના મોત થયા હતા, જ્યારે 18 ઓક્ટોબરે બિહારના એક મજૂરને શોપિયાં જિલ્લામાં આતંકવાદીઓએ ગોળી મારીને હત્યા કરી હતી.