ભારતીય સૈનિક 'મિ. ઈન્ડિયા'ની જેમ થઈ શકશે ગાયબ! IIT કાનપુરે બનાવ્યું ગજબનું કાપડ

ઇન્ડિયન ઇન્સ્ટિટ્યૂટ ઑફ એન્જિનિયરિંગ - IIT કાનપુરે એક એવું કાપડ બનાવ્યું છે, જેની પાછળ સંતાવાથી ન તો સૈનિક દેખાય છે કે ન કોઈ સાધનસામગ્રી. એટલે કે જો ભારતીય સેના આ સુપર સામગ્રીનો ઉપયોગ કરવાનું શરૂ કરે તો આપણા સૈનિકો મિસ્ટર ઈન્ડિયા બની જશે. આ ઉપરાંત મહત્વપૂર્ણ હથિયારો પણ છુપાયેલા રહેશે.

આ એક મેટામેટરિયલ સપાટી ક્લોકિંગ સિસ્ટમ છે. જે આપણા સૈનિકો, વિમાનો અને ડ્રોનને દુશ્મનોથી બચાવી શકે છે. આ કાપડનો મુખ્ય ફાયદો એ છે કે તેને દુશ્મનની રડાર કે સેટેલાઈટ પણ પકડી શકતું નથી . તે ઇન્ફ્રારેડ કેમેરા, વુંડ સેન્સર અને થર્મલ ઇમેજર્સથી પણ જોઈ શકાતું નથી. એટલે કે આ સામગ્રી પાછળ શું છે તે કોઈને ખબર નહીં પડે.

IIT Kanpur launches Anālakṣhya Metamaterial Surface Cloaking System, a revolutionary technology for Defense applications. This textile-based broadband Metamaterial Microwave Absorber offers near-perfect wave absorption across a broad spectrum, significantly enhancing stealth… pic.twitter.com/Vi18CVZl79

આ ફેબ્રિકમાંથી લશ્કરી વાહનોના કવર, સૈનિકોના ગણવેશ અથવા એરક્રાફ્ટ કવર બનાવી શકાય છે. આ કાપડ સંપૂર્ણપણે સ્વદેશી છે. આ ઉપરાંત, તે વિદેશથી આયાત કરવામાં આવતી સરફેસ ક્લોકિંગ સિસ્ટમ કરતાં 6-7 ગણી સસ્તી પણ છે. IIT કાનપુરના ડાયરેક્ટર પ્રો. મનિન્દ્ર અગ્રવાલે આ મેટામેટરીયલનું ઉદ્ઘાટન કર્યું હતું.

દુશ્મન આપણા સૈનિકોને કોઈપણ ટેક્નોલોજીથી જોઈ શકશે નહીં.

IIT કાનપુર ખાતે યોજાયેલા ડિફેન્સ સ્ટાર્ટઅપ એક્ઝિબિશનમાં પણ આ કાપડ પ્રદર્શિત કરવામાં આવ્યું હતું. જ્યાં તેની ખૂબ પ્રશંસા કરવામાં આવી હતી. જો આ કાપડ સેનાના વાહનોની આસપાસ મુકવામાં આવે. જો સૈનિકોને આ યુનિફોર્મ આપવામાં આવે, તો તેઓ દુશ્મનના કોઈપણ કેમેરા, કોઈપણ ઇમેજિંગ સિસ્ટમ કે સેન્સર તેમને જોઈ કે ટ્રેક કરી શકશે નહિં. તેની મદદથી દુશ્મનની ઘણી તરકીબોને નિષ્ફળ કરવામાં આસાની થશે.

IITના ત્રણ વૈજ્ઞાનિકોએ મળીને અદ્ભુત કાપડ બનાવ્યું

આઈઆઈટીના ત્રણ વૈજ્ઞાનિકો પ્રો. કુમાર વૈભવ શ્રીવાસ્તવ, પ્રો. એસ. અનંત રામકૃષ્ણન અને પ્રો. જે. રામકુમારે સંયુક્ત રીતે આ મેટામેટરિયલ તૈયાર કર્યું છે. તેની પેટન્ટ માટેની અરજી 2018માં આપવામાં આવી હતી. જે તેમને હવે મળી છે. આ ટેક્નોલોજીનું ભારતીય સેના સાથે છ વર્ષથી પરીક્ષણ કરવામાં આવી રહ્યું છે.

કોઈપણ પ્રકારની ઇમેજિંગ ટેકનોલોજીને છેતરી શકે છે

પ્રો. કુમાર વૈભવે 2010થી તેના પર કામ કરવાનું શરૂ કર્યું હતું, ત્યારબાદ અન્ય બે પ્રોફેસરો તેમની સાથે જોડાયા અને પછી ઉત્પાદન તૈયાર થયું. 2019માં ભારતીય સેના એવી ટેક્નોલોજી શોધી રહી હતી જેના દ્વારા દુશ્મનના રડારને ચકમો આપી શકાય, અંતે ઈજનેરોએ તેમાં સફળતા મેળવી. આ સામગ્રી દુશ્મનના રડાર, સેટેલાઇટ, ઇન્ફ્રારેડ કેમેરા, ગ્રાઉન્ડ સેન્સર અને થર્મલ ઇમેજર્સને છેતરી શકે છે.

જો મંજૂર થશે તો સેનાને આ સામગ્રી એક વર્ષમાં મળી જશે

મેટાતત્વ કંપનીના એમડી અને પૂર્વ એર વાઇસ માર્શલ પ્રવીણ ભટ્ટે કહ્યું કે જો અમને મંજૂરી મળશે તો અમે એક વર્ષમાં આ સામગ્રી ભારતીય સેનાને આપી શકીશું.