'મોદીજીના રૂપમાં ભારત પાસે યોગ્ય નેતા, યોગ્ય સમયે છે...', સંસદીય દળની બેઠકમાં બોલ્યા ચંદ્રાબાબુ નાયડુ

શુક્રવારે સંસદના સેન્ટ્રલ હોલમાં નેશનલ ડેમોક્રેટિક એલાયન્સ (NDA)ની બેઠક ચાલી રહી છે. એનડીએની આ બેઠકમાં નરેન્દ્ર મોદી ફરી એકવાર સંસદીય દળના નેતા તરીકે ચૂંટાયા છે. તેલુગુ દેશમ પાર્ટી (ટીડીપી)ના વડા ચંદ્રબાબુ નાયડુએ પણ એનડીએ સંસદીય દળના નેતા તરીકે નરેન્દ્ર મોદીના નામના પ્રસ્તાવને સમર્થન આપ્યું હતું.

મોદીના નામને મંજૂરી આપતાં તેમણે કહ્યું કે, આપણે પ્રચંડ બહુમતી હાંસલ કરી હોવાથી બધાને અભિનંદન આપું છું. ચૂંટણી પ્રચાર દરમિયાન પણ મેં જોયું કે પીએમ મોદીએ ક્યારેય આરામ નથી કર્યો. તેમણે દિવસ-રાત એનડીએ માટે પ્રચાર કર્યો. તેમણે જે ઉત્સાહથી ચૂંટણી પ્રચારની શરૂઆત કરી હતી. તે જ ઉત્સાહ સાથે તેમણે ચૂંટણી પ્રચારનો અંત કર્યો. આંધ્ર પ્રદેશમાં અમે ત્રણ જાહેર સભાઓ અને એક મોટી રેલી કરી અને આનાથી આંધ્ર પ્રદેશમાં ચૂંટણી જીતવામાં ઘણી મદદ મળી.

X પર જુઓ

નાયડુએ કહ્યું કે નરેન્દ્ર મોદીના નેતૃત્વમાં NDA સરકારે છેલ્લા 10 વર્ષમાં ઘણા મહત્વપૂર્ણ નિર્ણયો લીધા છે. મોદીજીએ દેશને વૈશ્વિક પાવરહાઉસ બનાવી દીધો છે. તેમના નેતૃત્વમાં દેશની કાયાકલ્પ થઈ છે.

તેમણે કહ્યું કે હું છેલ્લા ચાર દાયકાથી રાજકારણમાં છું. મોદીજીએ સમગ્ર વિશ્વમાં દેશનું ગૌરવ વધાર્યું છે. હું તેના માટે એમને ક્રેડિટ આપું છું. આજે ભારત પાસે મોદીજીના રૂપમાં યોગ્ય સમયે યોગ્ય નેતા છે. આવનારા દિવસોમાં ભારત વૈશ્વિક લીડર બનશે. એનડીએ સંસદીય દળના નેતા તરીકે મોદીના નામનું હું સમર્થન કરું છું.