Video: મધ્યપ્રદેશના વિદિશા જિલ્લાના ગંજબાસોદામાં ફટાકડા બજારમાં ભયાનક આગ

ગુરુવારે સાંજે એક દુકાનમાં અચાનક આગ ફાટી નીકળી હતી, જેણે જોતજોતામાં આસપાસની ત્રણ દુકાનોને પણ ઝપેટમાં લઈ લીધી હતી. ધડાકા સાથે આગ ભડકતા જ લોકો જીવ બચાવવા માટે ભાગદોડ કરવા લાગ્યા હતા. પ્રાથમિક તપાસમાં આગનું કારણ શોર્ટ સરકિટ હોવાનું સામે આવ્યું છે. ઘટનાની જાણ થતાં જ ફાયર બ્રિગેડની ગાડીઓ ઘટનાસ્થળે પહોંચી હતી. બજારમાં પહોંચવામાં લગભગ ૨૦ મિનિટનો સમય લાગ્યો હોવા છતાં, સમયસર આગ પર કાબૂ મેળવી લીધો હતો. સદનસીબે આ અકસ્માતમાં કોઈ જાનહાની થઈ નથી. ઘટનાની ગંભીરતાને ધ્યાનમાં રાખીને પોલીસ કાફલો અને કલેક્ટર અંશુલ ગુપ્તાએ સ્થળ પર પહોંચી પરિસ્થિતિની સમીક્ષા કરી હતી.