બિહારમાં SIR બાદ અંતિમ મતદાર યાદી જાહેર, આ દિવસે જાહેર થઈ શકે છે ચૂંટણીની તારીખો

ભારતીય ચૂંટણી પંચ દ્વારા આજે મંગળવાર, 30 સપ્ટેમ્બર, 2025 ના રોજ અંતિમ મતદાર યાદી જાહેર કરવામાં આવી છે. આ સાથે બિહારમાં ખાસ સઘન સુધારા (SIR)નો અંત આવ્યો છે. ચૂંટણી પંચે વિધાનસભા મુજબ મતદાર યાદી જાહેર કરી છે. ખાસ સઘન સુધારાને ધ્યાનમાં રાખીને, 30 સપ્ટેમ્બર, 2025 ના રોજ અંતિમ મતદાર યાદી પ્રકાશિત કરવામાં આવી છે. કોઈપણ મતદાર મતદાર યાદીમાં તેમના નામની વિગતો ચકાસી શકે છે.

જણાવી દઈએ કે, ચૂંટણી પંચે હવે બિહાર વિધાનસભા ચૂંટણી માટેની તૈયારીઓની સમીક્ષા શરૂ કરી દીધી છે. ચૂંટણી પંચ હવે બિહારના તમામ 38 જિલ્લાઓના કમિશનરો, ઇન્સ્પેક્ટર જનરલ (IG), જિલ્લા મેજિસ્ટ્રેટ (DM), પોલીસ અધિક્ષકો (SP) અને SSP (SSP) સાથે વિડીયો કોન્ફરન્સ કરીને ચૂંટણી તૈયારીઓની સમીક્ષા કરશે.

બિહારના મુખ્ય ચૂંટણી અધિકારીએ જણાવ્યું હતું કે ખાસ સઘન સુધારાના ભાગ રૂપે અંતિમ મતદાર યાદી 30મ સપ્ટેમ્બરના રોજ પ્રકાશિત કરવામાં આવી છે. કોઈપણ મતદાર ચૂંટણી પંચની સત્તાવાર વેબસાઇટ https://voters.eci.gov.in/ ની મુલાકાત લઈને મતદાર યાદીમાં પોતાનું નામ ચકાસી શકે છે.

 ૩ ઓક્ટોબરે બિહારમાં તૈનાત 470 નિરીક્ષકોનું એક સંમેલન દિલ્હીમાં યોજાશે.  3 ઓક્ટોબરે નિરીક્ષકોની એક પત્રકાર પરિષદ પણ યોજાવાની છે. ચૂંટણી પંચ4-5 ઓક્ટોબરે બિહારની બે દિવસની મુલાકાત લઈને ચૂંટણી તૈયારીઓની સમીક્ષા કરશે. ત્યારબાદ 7ઓક્ટોબરે ચૂંટણીની તારીખો જાહેર થવાની ધારણા છે.
 
ભારતના ચૂંટણી પંચે 2025- બિહાર વિધાનસભા ચૂંટણી માટે બિહારની મતદાર યાદીના અપડેટની જાહેરાત કરી હતી. આ હેતુ માટે 25 જૂન 2025ના રોજ બિહારમાં એક ખાસ સઘન સુધારણા (SIR) શરૂ કરવામાં આવી હતી. આનો પ્રથમ તબક્કો ૩૧ જુલાઈ, ૨૦૨૫ ના રોજ પૂર્ણ થયો હતો. 1 ઓગસ્ટના રોજ 65 લાખ નામો દૂર કર્યા પછી મતદાર યાદીનો ડ્રાફ્ટ બહાર પાડવામાં આવ્યો હતો અને ૩,૦૦,૦૦૦ લોકોને નોટિસ જારી કરવામાં આવી હતી. SIR શરૂ થયા પહેલા  બિહારમાં 7.89 કરોડ મતદારો હતા.