હરિયાણામાં ભાજપની આંધી છતાં હારી ગયા  CM સૈનીના 9 મંત્રીઓ, કરાવી ફજેતી

હરિયાણામાં સતત ત્રીજી વખત ભાજપની સરકાર બની રહી છે. હરિયાણામાં હેટ્રિક કરનારી  ભાજપ પ્રથમ પાર્ટી બની છે. હરિયાણા વિધાનસભા ચૂંટણી 2024માં ભાજપને ભલે મોટી જીત મળી છે, પરંતુ 10માંથી 8 મંત્રીઓ અને CM નાયબ સિંહ સૈની સરકારમાં વિધાનસભા સ્પીકર ચૂંટણી હારી ગયા છે, માત્ર બે મંત્રીઓ જ જીતી નોંધાવી શક્યા છે. જ્યારે 8 મંત્રીઓનો પરાજય થયો હતો. 

પાણીપત ગ્રામીણ બેઠક પરથી મહિપાલ ધંડા અને વિલ્લભગઢ બેઠક પરથી મૂળચંદ શર્મા વિજેતા મંત્રીઓમાં સામેલ છે. પંચકુલામાં સ્પીકર જ્ઞાનચંદ ગુપ્તા, નૂહમાં મંત્રી સંજય સિંહ, જગાધરીમાં મંત્રી કંવરપાલ ગુર્જર, હિસારમાં આરોગ્ય મંત્રી કમલ ગુપ્તા, અંબાલા સિટી સિટીથી અસીમ ગોયલ, રાનિયાથી અપક્ષ તરીકે રણજીત ચૌટાલા, થાનેસરથી સુભાષ સુધા અને અભય સિંહ યાદવ ચૂંટણી હારી ગયા છે.
 
પંચકુલાથી જ્ઞાનચંદ ગુપ્તા 1997 મતોથી હારી ગયા
જગધરીથી કંવરપાલ ગુર્જર 6868 મતોથી હારી ગયા
બલ્લભગઢથી મૂળચંદ શર્મા  17,730 મતોથી જીત્યા
લોહારુથી જેપી દલાલ 792 મતોથી હારી ગયા
રાનીયાંમાંથી રણજીત ચૌટાલા ત્રીજા સ્થાને રહ્યા
હિસારના કમલ ગુપ્તા ત્રીજા સ્થાને રહ્યા
અંબાલા સિટીથી અસીમ ગોયલ 11,131 મતોથી હાર્યા
થાનેસરથી સુભાષ સુધા 3243 મતોથી હારી ગયા
નુહના સંજય સિંહ ત્રીજા ક્રમે રહ્યા 

હરિયાણામાં ભાજપ 2014ની ચૂંટણીમાં 33.3 ટકા વોટ શેર સાથે 47 સીટો જીતવામાં સફળ રહી હતી. 2019ની વિધાનસભા ચૂંટણીમાં ભાજપનો વોટ શેર વધ્યો પરંતુ બેઠકો ઘટતાં ગઠબંધનમાં સરકાર બનાવવી પડી. હવે 2024ની ચૂંટણીમાં ભાજપ 50 બેઠકો જીતવામાં અને લગભગ 40 ટકા વોટ શેર મેળવવામાં સફળ રહી છે.