'પત્નીને 'ભૂત' કે 'પિશાચ' કહેવી ક્રૂરતા નથી', પટના હાઈકોર્ટે કરી ટિપ્પણી, જાણો શું છે સમગ્ર ઘટના

એક કેસમાં, પટના હાઈકોર્ટે કહ્યું કે, 'પત્નીને 'ભૂત' કે 'પિશાચ' કહેવી અને નિષ્ફળ લગ્નમાં પતિ દ્વારા "અભદ્ર ભાષા"નો ઉપયોગ કરવો એ ક્રૂરતા સમાન નથી. જસ્ટિસ બિબેક ચૌધરીની સિંગલ જજની બેન્ચે જણાવ્યું હતું કે ભારતીય દંડ સંહિતા (IPC)ની કલમ 498A (પતિ અથવા તેના સંબંધીઓ દ્વારા પત્ની પ્રત્યેની ક્રૂરતા) હેઠળ અભદ્ર ભાષાનો ઉપયોગ 'ક્રૂરતા' સમાન નથી. બેંચ ઝારખંડના બોકારોના રહેવાસી સહદેવ ગુપ્તા અને તેમના પુત્ર નરેશ કુમાર ગુપ્તાની અરજી પર સુનાવણી કરી રહી હતી.

પટના હાઈકોર્ટે આ ટિપ્પણી એક કેસમાં કરી હતી જે 1994માં નરેશ કુમાર ગુપ્તાથી છૂટાછેડા લીધેલ પત્ની દ્વારા તેના વતન નવાદામાં દાખલ કરવામાં આવ્યો હતો. 2008માં ચીફ જ્યુડિશિયલ મેજિસ્ટ્રેટે તેમને એક વર્ષની સખત કેદની સજા સંભળાવ્યા બાદ પિતા-પુત્ર બંનેએ કેસ હાઈકોર્ટમાં લીધો હતો અને 10 વર્ષ પછી તેને ફગાવી દેવામાં આવ્યો હતો.

ફરિયાદીએ તેના પતિ અને સાસરિયાં પર દહેજ તરીકે કારની માગણી કરીને શારીરિક અને માનસિક ત્રાસ આપવાનો આરોપ મૂક્યો હતો. બાદમાં પિતા-પુત્રની વિનંતી પર કેસને નવાદાથી નાલંદા ટ્રાન્સફર કરવામાં આવ્યો હતો. બંનેને એક વર્ષની જેલની સજા થયા બાદ ઝારખંડ હાઈકોર્ટે પતિ-પત્નીના છૂટાછેડા મંજૂર કર્યા હતા.

હાઈકોર્ટે શું કહ્યું?
પટના હાઈકોર્ટ સમક્ષ દાખલ કરાયેલી અરજીનો વિરોધ કરતા, છૂટાછેડા લેનાર મહિલાના વકીલે દલીલ કરી હતી કે તેના સાસરિયાઓ તેને 'ભૂત' અને 'પિશાચ'  કહેતા હતા, જે ક્રૂરતાનું એક સ્વરૂપ" હતું. જોકે, કોર્ટે કહ્યું કે કોર્ટ આ પ્રકારની દલીલ સ્વીકારવાની સ્થિતિમાં નથી. "વૈવાહિક સંબંધોમાં, ખાસ કરીને નિષ્ક્રિય વૈવાહિક સંબંધોમાં "પતિ-પત્ની બંને" દ્વારા "અભદ્ર ભાષા" વડે "એકબીજાને દુર્વ્યવહાર" કરવાના કિસ્સાઓ નોંધાયા છે. જોકે, આવા તમામ આરોપો ક્રૂરતા સમાન નથી."

હાઈકોર્ટે એવી પણ ટિપ્પણી કરી હતી કે તેણીને આરોપી દ્વારા "સતામણી" કરવામાં આવી હતી અને ક્રૂર વ્યવહાર કરવામાં આવ્યો હતો, પરંતુ ફરિયાદી કોઈપણ અરજદાર સામે અલગ આરોપો કરવામાં નિષ્ફળ રહી હતી. તદનુસાર, નીચલી અદાલતો દ્વારા આપવામાં આવેલા ચુકાદાઓને બાજુ પર રાખવામાં આવ્યા હતા, જોકે "ખર્ચ અંગે કોઈ આદેશ ન હતો".