સીજેપીના નેતાઓ સૌરવ દાસ અને આશુતોષ રંકાની ધરપકડ; જંતર-મંતરમાં બળજબરીથી પ્રવેશ મોંઘો પડ્યો

દિલ્હી પોલીસે જંતર-મંતર ખાતેના વિરોધ પ્રદર્શનને લઈને 'કોકરોચ જનતા પાર્ટી' (CJP) ના નેતાઓ સામે કાર્યવાહી કરી છે. સાવચેતીના પગલા રૂપે સૌરવ દાસ, આશુતોષ રંકા અને અજિંક્ય શિંદેની ધરપકડ કરવામાં આવી છે. આ પહેલાં, પોલીસે પરવાનગી વિના જંતર-મંતર વિસ્તારમાં પ્રવેશવા બદલ સૌરવ દાસ, આશુતોષ રંકા અને સંગઠનના અન્ય સભ્યો સામે FIR નોંધી હતી.કોકરોચ જનતા પાર્ટીના કાનૂની વડા રત્ના સિંહે 'X' પર પોસ્ટ કરીને જણાવ્યું હતું કે, "હમણાં જ માહિતી મળી છે કે સૌરવ, આશુતોષ અને અજિંક્યને એક કલાકની અંદર મંદિર માર્ગ પોલીસ સ્ટેશન ખાતે SEM (સ્પેશિયલ એક્ઝિક્યુટિવ મેજિસ્ટ્રેટ) સમક્ષ રજૂ કરવામાં આવે તેવી શક્યતા છે.

૨૪ કલાકની સમયમર્યાદા પૂરી થવાને આરે છે" 

પોલીસ અધિકારીઓના જણાવ્યા અનુસાર, FIRમાં જાહેર વ્યવસ્થા જાળવવા માટે અગાઉ અમલમાં મૂકવામાં આવેલા 'પીસ બોન્ડ' (શાંતિ જાળવવાના કરાર) ની શરતોના ઉલ્લંઘન સંબંધિત કલમોનો પણ સમાવેશ કરવામાં આવ્યો છે. આ કાર્યવાહી એ ઘટના બાદ કરવામાં આવી હતી જેમાં CJPના કાર્યકરોએ કડક સુરક્ષા વ્યવસ્થા અને બેરિકેડ્સ ધરાવતા જંતર-મંતર વિસ્તારમાં પ્રવેશ કર્યો હતો અને મુખ્ય ચૂંટણી કમિશનર જ્ઞાનેશ કુમારના રાજીનામાની માંગણી કરતા સૂત્રોચ્ચાર કર્યા હતા.
તાજેતરમાં જંતર-મંતરને નિર્ધારિત વિરોધ પ્રદર્શન સ્થળોની યાદીમાંથી દૂર કરવામાં આવ્યું છે. મંગળવારે સવારે, પ્રતિબંધાત્મક આદેશોના કથિત ઉલ્લંઘન સાથે વિસ્તારમાં પ્રવેશવા બદલ સૌરવ દાસ, આશુતોષ રંકા અને CJPના અન્ય કેટલાક સભ્યોને અટકાયતમાં લેવામાં આવ્યા હતા. સંગઠનનો દાવો છે કે તેમના લગભગ ૧૧ સભ્યોને અટકાયતમાં લેવામાં આવ્યા હતા.

પોલીસ અધિકારીએ જણાવ્યું હતું કે અટકાયત કરાયેલા વિરોધ પ્રદર્શનકારીઓને દ્વારકા જિલ્લાના જાફરપુર કલાન પોલીસ સ્ટેશન લઈ જવામાં આવ્યા હતા. ત્યારબાદ, CJPના કેટલાક કાર્યકરો સ્ટેશનની બહાર એકઠા થતાં ત્યાં અને આસપાસના વિસ્તારમાં સુરક્ષા વધારી દેવામાં આવી હતી. CJPના સ્થાપક દીપકે આ સંગઠનની કાર્યવાહીને જંતર-મંતર ખાતે વિરોધ પ્રદર્શન કરવાના તેમના અધિકારને પુનઃસ્થાપિત કરવાના પ્રયાસ તરીકે વર્ણવી હતી. તેમણે જણાવ્યું હતું કે વિરોધ પ્રદર્શનના સ્થળને નિર્ધારિત યાદીમાંથી દૂર કરવામાં આવ્યું હોવા છતાં તેમનું આંદોલન ચાલુ રહેશે. અગાઉ, શનિવારે પણ દીપક, સૌરવ દાસ અને આશુતોષ રંકાને દિલ્હી આગમન સમયે અટકાયતમાં લેવામાં આવ્યા હતા. તે સમયે, કડક સુરક્ષા વ્યવસ્થાને કારણે જ્ઞાનેશ કુમારના રાજીનામાની માંગ સાથે CJP દ્વારા પ્રસ્તાવિત વિરોધ પ્રદર્શન યોજી શકાયું ન હતું. એક વર્ષ સુધી શાંતિ ભંગ ન કરવાની શરતે તે ત્રણેયને એક દિવસ બાદ મુક્ત કરવામાં આવ્યા હતા.

૧૧ ઓક્ટોબરના રોજ, દિલ્હી પોલીસ કમિશનર અનુરાગ કુમારે રામલીલા મેદાન, બુરારી મેદાન અને સીબીડી (CBD) મેદાનને વિરોધ પ્રદર્શનો અને દેખાવો માટે નવા, અધિકૃત સ્થળો તરીકે જાહેર કરતો સ્થાયી આદેશ બહાર પાડ્યો હતો. CJPનું કહેવું છે કે આ યાદીમાંથી વિરોધ પ્રદર્શનના સ્થળને દૂર કરવા અંગેની જાહેરાત ૧૨ ઓક્ટોબરના રોજ કરવામાં આવી હતી. આ સંસ્થા...