'હું ભાજપનો સાચો સિપાહી છું અને રહીશ..', ભોજપુરી સુપર સ્ટાર પવનસિંહ નહીં લડે વિધાનસભા ચૂંટણી

ભોજપુરી સિનેમા અને સંગીતના સુપરસ્ટાર પવન સિંહે વિધાનસભા ચૂંટણીને લઈને મોટું નિવેદન આપ્યું છે. તેમણે સ્પષ્ટ કર્યું કે, આ વખતે તેઓ ચૂંટણીમાં ભાગ નહીં લે. પવન સિંહે એક્સ પર લખ્યું કે, 'હું પવન સિંહ પોતાના ભોજપુરી સમાજને જણાવવા ઈચ્છું છું કે, મેં બિહાર વિધાનસભાની ચૂંટણી લડવા માટે પાર્ટીમાં ભાગ નથી લીધો અને ન તો હું વિધાનસભા ચૂંટણી લડવાનો છું. હું પાર્ટીનો સાચો સિપાહી છું અને રહીશ.'

પત્નીએ પ્રશાંત કિશોર સાથે કરી મુલાકાત

નોંધનીય છે કે, પવન સિંહનું આ નિવેદન એવા સમયે સામે આવ્યું છે, જ્યારે પોતાની પત્ની જ્યોતિ સિંહે શુક્રવારે રાજકીય વ્યૂહનીતિકાર અને જનસુરાજ પાર્ટીના સંસ્થાપક પ્રશાંત કિશોરથી શેખપુરા સ્થિત તેમના આવાસ પર મુલાકાત કરી હતી. આ મુલાકાતને લઈને જ્યોતિએ સ્પષ્ટતા કરી કે, આનો કોઈ ચૂંટણીનો હેતું નથી. 

જ્યોતિ સિંહે શું કહ્યું? 

જ્યોતિ સિંહે કહ્યું કે, 'હું ચૂંટણીમાં ભાગ લેવા અથવા ટિકિટ માટે નથી આવી. મારી સાથે જે પ્રકારે અન્યાય થયો, તે કોઈ અન્ય મહિલા સાથે ન થાય. હું એ તમામ મહિલાઓનો અવાજ બનવા ઈચ્છું છું જે અન્યાયનો સામનો કરી રહી છે.'