જાણો, આ બાંગ્લાદેશી અભિનેત્રીએ FAKE આધારકાર્ડ બનાવ્યા, પોલીસે કરી ધરપકડ
કોલકાતાના જાદવપુરથી એક 28 વર્ષની બાંગ્લાદેશી એક્ટ્રેસની ધરપકડ કરાઈ છે. પોલીસે જણાવ્યા મુજબ, એ
કોલકાતાના જાદવપુરથી એક 28 વર્ષની બાંગ્લાદેશી એક્ટ્રેસની ધરપકડ કરાઈ છે. પોલીસે જણાવ્યા મુજબ, એક્ટ્રેસનું નામ શાંતા પૉલ છે અને તે અનેક વર્ષોથી પોતાની ઓળખ સંતાડીને ભારતમાં રહેતી હતી. તેની પાસે નકલી આધાર કાર્ડ અને મતદાર કાર્ડ પણ હતું. આ એક્ટ્રેસ બાંગ્લાદેશની અનેક મૉડલિંગ સ્પર્ધા જીતી ચુકી છે. 2023થી આ એક્ટ્રેસ જાધવપુરના વિજયગઢમાં એક ભાડાના મકાનમાં રહેતી હતી.
તપાસમાં મળ્યા નકલી દસ્તાવેજ
શાંતા પૉલના મકાનમાં તપાસ દરમિયાન અનેક બાંગ્લાદેશી દસ્તાવેજો મળી આવ્યા. જેમાં બાંગ્લાદેશી સેકન્ડરી એગ્ઝામિનેશનનું એડમિટ કાર્ડ અને બાંગ્લાદેશ Airlineની આઈડીનો પણ સમાવેશ થાય છે. આ સિવાય એક્ટ્રેસ પાસેથી બે આધાર કાર્ડ મળી આવ્યા છે. જેમાંથી એકમાં કોલકાતા અને બીજામાં બર્ધમાનનું સરનામું લખેલું છે. પોલીસનું કહેવું છે કે, બર્ધમાનવાળું આધાર કાર્ડ 2020માં બનાવવામાં આવ્યું હતું.
પોલીસે હાથ ધરી તપાસ
હાલમાં જ પૉલે થાકુરપુકુર પોલીસ સ્ટેશનમાં ફરિયાદ નોંધાવી હતી. જેમાં તેણે અલગ સરનામું નોંધાવ્યું હતું. શાંતા પૉલ અવારનવાર પોતાનું સરનામું બદલતી રહેતી હતી. વળી, શાંતાનો એપ બેઝ્ડ કેપ બિઝનેસ પણ હતો. જેના કારણે તેની શંકાસ્પદ ગતિવિધિઓ ધ્યાને આવી. પોલીસે જણાવ્યું કે, શાંતા પૉલે ભારતીય ID કાર્ડને લઈને કોઈ સંતોષકારક જવાબ નથી આવ્યો. એવી આશંકા છે કે, તેની પાછળ એક મોટું રેકેટ હોય શકે છે. પોલીસ તપાસ કરી રહી છે કે, આખરે દસ્તાવેજ કેવી રીતે બનાવવામાં આવ્યા અને તેને બનાવવા માટે કયા કાગળની જરૂર પડી હોઈ શકે.
શાંતા પૉલના પતિની પણ કરાઈ પૂછપરછ
લાલબજાર પોલીસના આધારે, Voter ID અને રાશન કાર્ડની તપાસ કરવા માટે UIDAI, ચૂંટણી પંચ અને રાજ્યના ખાદ્ય વિભાગનો પણ સંપર્ક કરવામાં આવ્યો. મળતી માહિતી મુજબ, શાંતા પૉલ બાંગ્લાદેશના બારીસાલની રહેવાસી છે. તથા, પૉલનો પતિ આંધ્ર પ્રદેશનો રહેવાસી છે. તે પણ પૉલની સાથે સાઉથ કોલકાતાના ફ્લેટમાં રહેતો હતો. પોલીસ હાલ તેની પૂછપરછ કરી રહી છે. વર્ષ 2019માં પૉલે કેરલમાં યોજાતા મિસ એશિયા ગ્લોબલ કોમ્પિટિશનમાં પણ ભાગ લીધો હતો. તેણે બંગાળી અને તેલુગુ ફિલ્મમાં પણ કામ કર્યું છે.
