દિલ્હી ચૂંટણી માટે AAPની પ્રથમ યાદી જાહેર, જાણો કોણ ક્યાંથી લડશે?

દિલ્હી ચૂંટણી માટે આમ આદમી પાર્ટીએ 11 ઉમેદવારોની પ્રથમ યાદી જાહેર કરી છે. આ યાદીમાં એવા 6 ઉમેદવારોના નામ છે, જેઓ તાજેતરમાં કોંગ્રેસ અથવા ભાજપ છોડીને AAPમાં જોડાયા છે.

જે છ નેતાઓ અન્ય પાર્ટીઓમાંથી AAPમાં સામેલ થયા હતા અને ટિકિટ મેળવી હતી, તેમને અરવિંદ કેજરીવાલે પોતે પાર્ટીમાં સામેલ કર્યા હતા. જેમાં ભાજપમાંથી ધારાસભ્ય રહી ચૂકેલા બે નેતાઓનો પણ સમાવેશ થાય છે.

ટિકિટ કોને અને ક્યાંથી?

1. બ્રહ્મા સિંહ તંવર છતરપુરથી ચૂંટણી લડશે.

ભારતીય જનતા પાર્ટીના વરિષ્ઠ નેતા અને ત્રણ વખત ધારાસભ્ય રહી ચૂકેલા બ્રહ્મ સિંહ તંવર તાજેતરમાં 31 ઓક્ટોબરે AAPમાં જોડાયા હતા. તંવર દિવાળીના દિવસે જ દિલ્હીના પૂર્વ સીએમ અને AAP ચીફ અરવિંદ કેજરીવાલની હાજરીમાં AAPમાં જોડાયા હતા.

2. અનિલ ઝા કિરારીથી AAPના ઉમેદવાર હશે.

17 નવેમ્બરના રોજ ભાજપના દિગ્ગજ નેતા અને કિરારીના બે વખત ધારાસભ્ય રહી ચૂકેલા અનિલ ઝાએ AAPનું સભ્યપદ લીધું હતું. આ દરમિયાન અરવિંદ કેજરીવાલે અનિલ ઝાને પૂર્વાંચલના સૌથી મોટા નેતા ગણાવતા તેમનું પાર્ટીમાં સ્વાગત કર્યું હતું.

3. દીપક સિંઘલા વિશ્વાસ નગરથી ચૂંટણી લડશે.

4. સરિતા સિંહ રોહતાસ નગરથી AAP ઉમેદવાર હશે.

5. BB ત્યાગી લક્ષ્મી નગરથી AAPના ઉમેદવાર હશે.

દિલ્હીમાં 4 નવેમ્બરે ભાજપને મોટો ફટકો પડ્યો, જ્યારે ભાજપના પૂર્વ નેતા અને બે વખતના કાઉન્સિલર બીબી ત્યાગી આમ આદમી પાર્ટીમાં જોડાયા. ત્યાગી મનીષ સિસોદિયાની હાજરીમાં AAPમાં જોડાયા હતા.

6. રામ સિંહ (નેતાજી) બાદરપુરથી ઉમેદવાર હશે.

7. ઝુબેર ચૌધરી સીલમપુરથી AAPના ઉમેદવાર હશે.

8. વીર સિંહ ધીંગાન સીમાપુરીથી ચૂંટણી લડશે.

9. ગૌરવ શર્મા ઘોંડાથી ચૂંટણી લડશે.

10. મનોજ ત્યાગી કરવલ નગરથી AAPના ઉમેદવાર હશે.

11. સુમેશ શૌકીન મટિયાલાથી AAPના ઉમેદવાર હશે.