AAP ધારાસભ્ય પોલીસ પર ફાયરિંગ કરી કસ્ટડીમાંથી ભાગ્યા, કોન્સ્ટેબલને ગોળી મારી સ્કોર્પિયો ચડાવાનો પ્રયાસ
પંજાબના સનૌરના ધારાસભ્ય હરમીત સિંહ પઠાણમાજરા પોલીસ કસ્ટડીમાંથી ભાગી ગયા. ધરપકડ બાદ સ્થાનિક પોલીસ સ્ટેશન લઈ જતી વ
પંજાબના સનૌરના ધારાસભ્ય હરમીત સિંહ પઠાણમાજરા પોલીસ કસ્ટડીમાંથી ભાગી ગયા. ધરપકડ બાદ સ્થાનિક પોલીસ સ્ટેશન લઈ જતી વખતે પઠાણમાજરા અને તેમના સાથીઓએ પોલીસ પર ગોળીબાર કર્યો હતો. આ ઘટનામાં એક પોલીસકર્મી ઈજાગ્રસ્ત થયા. પોલીસકર્મી પર ગાડી ચડાવવાનો પ્રયાસ કરીને ધારાસભ્ય સ્કોર્પિયો અને ફોર્ચ્યુનરમાં ભાગી ગયો. પોલીસે ફોર્ચ્યુનર ઝડપી પાડી પરંતુ પઠાણમાજરા સ્કોર્પિયોમાં ફરાર છે. પોલીસ ટીમ તેનો પીછો કરી રહી છે.
પંજાબ પોલીસે હરિયાણાના કુરુક્ષેત્રથી ધારાસભ્ય હરમીતની ધરપકડ કરી હતી. આ કાર્યવાહી પઠાણમાજરાની પૂર્વ પત્નીની ફરિયાદ પર નોંધાયેલા બળાત્કારના જૂના કેસમાં કરવામાં આવી રહી છે. આ FIR પટિયાલાના સિવિલ લાઇન્સ પોલીસ સ્ટેશનમાં નોંધાયેલી છે. તેઓને સ્થાનિક પોલીસ સ્ટેશન લઈ જવા દરમિયાન ધારાસભ્ય પઠાણમાજરા અને તેમના સાથીઓએ પોલીસ પર ગોળીબાર કર્યો. આ ઘટનામાં એક પોલીસકર્મી ઘાયલ થયો હતો.
બીજી તરફ, ધારાસભ્ય એક પોલીસકર્મી ઉપર કાર ચઢાવીને ભાગી ગયા. ધારાસભ્ય અને તેમના સાથીઓ સ્કોર્પિયો અને ફોર્ચ્યુનર લઈને ભાગી ગયા હતા. પોલીસે ફોર્ચ્યુનર કાર જપ્ત કરી છે. ધારાસભ્ય સ્કોર્પિયોમાં ફરાર છે.
ધરપકડ પહેલા પઠાણમાજરાએ એક વીડિયો જાહેર કરીને કહ્યું હતું કે, પંજાબ પોલીસે મારી પૂર્વ પત્ની સાથે જોડાયેલા એક જૂના કેસમાં બળાત્કારનો કેસ નોંધ્યો છે. દિલ્હીની આમ આદમી પાર્ટીની ટીમ પંજાબ પર પ્રભુત્વ મેળવવાનો પ્રયાસ કરી રહી છે અને મારો અવાજ દબાવવામાં આવી રહ્યો છે. 2022માં પઠાણમાજર પર તેમની બીજી પત્ની ગુરપ્રીત કૌરે તેમના પહેલા લગ્ન અને હુમલાને છુપાવવાનો આરોપ લગાવ્યો હતો. એક કથિત અશ્લીલ વીડિયો વાયરલ થયા બાદ તેઓ ચર્ચામાં હતા.
ધરપકડ અંગે હજુ સુધી કોઈ માહિતી નથીઃ વકીલ
ધારાસભ્ય પઠાણમાજરાના વકીલ બિક્રમજીત સિંહ ભુલ્લરે કહ્યું કે, 1 સપ્ટેમ્બર, 2025 ના રોજ પટિયાલા પોલીસે પઠાણમાજરા સામે કેસ નોંધ્યો છે. આ કેસ ઝીરકપુરની એક મહિલાની ફરિયાદ પર નોંધવામાં આવ્યો છે. તેણી અને પઠાણમાજરા 2013-14 માં સોશિયલ મીડિયા પર મળ્યા હતા અને 2021 માં લગ્ન કર્યા હતા. 23 ઓગસ્ટ 2022 ના રોજ, મહિલાએ પંજાબ હાઇકોર્ટમાં અરજી દાખલ કરી, ત્યારબાદ કોર્ટે રોપર પોલીસને 2024 માં આ મામલાની તપાસ કરવા કહ્યું. મહિલા સામે IT એક્ટના 4-5 કેસ નોંધાયેલા છે. એડવોકેટ ભુલ્લરે જણાવ્યું હતું કે પૂરને કારણે પટિયાલામાં પરિસ્થિતિ ખરાબ છે અને પઠાણમાજરા તેમના વિસ્તારના લોકોને મદદ કરી રહ્યો હતો. તેમણે એક IAS અધિકારી સામે આરોપો લગાવ્યા હતા, ત્યારબાદ 2013 ના એક કેસમાં તેમની સામે કેસ નોંધવામાં આવ્યો હતો. હજુ સુધી સ્પષ્ટ નથી કે તેમની ધરપકડ કરવામાં આવી છે કે નહીં.
