Video: સરયુ ઘાટના કિનારે ભક્તિ અને શ્રદ્ધાનો જોવા મળ્યો અદ્ભુત સંગમ!

અયોધ્યામાં દીપોત્સવની ભવ્ય તૈયારીઓ

સરયુ ઘાટ પર લાખો દીવાઓ પ્રજ્વલિત કરવા તંત્ર અને સ્વયંસેવકો સજ્જ!

દિવાળીના પાવન પર્વે અયોધ્યામાં સર્જાશે અલૌકિક અને દિવ્ય નજારો!

ઉત્તર પ્રદેશની પવિત્ર નગરી અયોધ્યામાં દીવાળીના પર્વને અનુલક્ષીને ચારેય તરફ ઉત્સવ જેવું માહોલ છવાઈ ગયો છે. અયોધ્યાના ઇતિહાસમાં વધુ એક સ્વર્ણિમ અધ્યાય જોડવા માટે સરયુ નદીના ઘાટ પર ભવ્ય દીપોત્સવ ઉજવણીની તડામાર તૈયારીઓ ચાલી રહી છે. સમગ્ર રામનગરીને અદ્ભુત રોશની અને ફૂલોથી સજાવવામાં આવી રહી છે, જેથી આ પર્વને વધુ ઐતિહાસિક અને અલૌકિક બનાવી શકાય. સરયુ ઘાટ પર લાખોની સંખ્યામાં માટીના દીવાઓ ગોઠવવાની કામગીરી યુદ્ધના ધોરણે ચાલી રહી છે. પ્રશાસન, યુનિવર્સિટીના વિદ્યાર્થીઓ અને અસંખ્ય સ્વયંસેવકો આ ભવ્ય આયોજનને સફળ બનાવવા માટે અથાક મહેનત કરી રહ્યા છે. ઘાટ પર મનોહર રંગોળીઓ અને વિદ્યુત રોશનીથી શણગાર કરવામાં આવ્યો છે, જે રાત્રે અયોધ્યાની સુંદરતામાં ચાર ચાંદ લગાવી દેશે. આ ભવ્ય દીપોત્સવ દરમિયાન નવો વિશ્વ રેકોર્ડ સ્થાપિત કરવા માટેની પણ તૈયારીઓ પૂર્ણ કરવામાં આવી છે.

સરયુ ઘાટના કિનારે ભક્તિ અને શ્રદ્ધાનો જોવા મળ્યો અદ્ભુત સંગમ!

દીવાળીના આ પાવન અવસરે અયોધ્યા આવતા લાખો શ્રદ્ધાળુઓ અને પ્રવાસીઓની સુરક્ષા તથા સુવિધા માટે પ્રશાસન દ્વારા ચુસ્ત પોલીસ બંદોબસ્ત અને વિશેષ વ્યવસ્થાઓ ગોઠવવામાં આવી છે. સરયુ ઘાટ પર આરતી અને સાંસ્કૃતિક કાર્યક્રમોનું પણ ભવ્ય આયોજન કરવામાં આવ્યું છે, જેમાં ભગવાન શ્રી રામના જીવન ચરિત્રને દર્શાવતી ઝાંખીઓ અને લીલાઓ પ્રદર્શિત કરવામાં આવશે. ભગવાન શ્રી રામના પોતાના ધામ અયોધ્યા પરત ફરવાના પ્રસંગની યાદમાં યોજાતો આ દીપોત્સવ હવે વૈશ્વિક સ્તરે આસ્થા અને સંસ્કૃતિનું પ્રતીક બની ગયો છે. દેશના ખૂણે-ખૂણેથી અને વિદેશોમાંથી પણ રામભક્તો આ દિવ્ય ક્ષણના સાક્ષી બનવા માટે અયોધ્યા પહોંચી રહ્યા છે. સરયુજીના તટ પર પ્રજ્વલિત થનારા લાખો દીવાઓ માત્ર અંધકારને દૂર કરશે નહીં, પરંતુ સમગ્ર વિશ્વમાં શાંતિ, હર્ષ અને સનાતન સંસ્કૃતિનો દિવ્ય સંદેશ ફેલાવશે.

બ્યૂરો રિપોર્ટ જીએસટીવી