મુંબઈના કુર્લામાં અનિયંત્રિત બસે સર્જ્યો મોટો અકસ્માત, 3 લોકોના મોત

સોમવારે મુંબઈના કુર્લા વિસ્તારમાં એક બસે ભારે હાહાકાર મચાવ્યો હતો. બસની ટક્કરથી ઘણા લોકો ઘાયલ થયા હતા, જ્યારે રસ્તા પર પાર્ક કરેલા ઘણા વાહનોને નુકસાન થયું હતું. અકસ્માતનું ચોક્કસ કારણ હજુ સુધી જાણી શકાયું નથી.

મુંબઈના કુર્લા વિસ્તારમાં એક મોટો અકસ્માત થયો છે. અહીં બેકાબૂ બનેલી બેસ્ટ બસે ઘણા લોકોને કચડી નાખ્યા, ઘણા લોકો ઘાયલ થયા. નિયંત્રણ બહારની બસે અનેક વાહનોને પણ નુકસાન પહોંચાડ્યું છે. પોલીસે બસ ડ્રાઈવરને કસ્ટડીમાં લીધો છે. ઘટનાસ્થળે ભારે ભીડ એકઠી થઈ ગઈ છે અને ફાયર બ્રિગેડ અને એમ્બ્યુલન્સ રાહત કાર્યમાં લાગેલી છે.

સોમવારે રાત્રે કુર્લા (પશ્ચિમ)માં એસજી બર્વે રોડ પર અંજુમ-એ-ઈસ્લામ સ્કૂલ પાસે બૃહન્મુંબઈ ઇલેક્ટ્રિક સપ્લાય અને ટ્રાન્સપોર્ટ બસ કેટલાક વાહનો સાથે અથડાઈ હતી. જેમાં 10 લોકો ઘાયલ થયા હતા અને 3 લોકોના મોત થયા છે. મુંબઈ ફાયર બ્રિગેડના જણાવ્યા અનુસાર આ બસ દુર્ઘટના રાત્રે 9.50 વાગ્યે થઈ હતી. કુર્લાની ભાભા હોસ્પિટલના મેડિકલ ઓફિસર ડૉ. અબ્દુલે જણાવ્યું કે 10 ઘાયલોને હોસ્પિટલમાં લાવવામાં આવ્યા છે.