8 વાર થઇ પ્રેગ્નેન્ટ, એક પણ વાર બાળકને બચાવી શકાયું નહિ, પછી... છેક જાપાનથી દુર્લભ લોહી મંગાવ્યું

 એક મહિલા 8 વખત ગર્ભવતી બની હતી, પરંતુ દર વખતે એનિમિયાના કારણે ગર્ભમાં જ ગર્ભ મરી રહ્યો હતો. માતા અને બાળકનું બ્લડ ગ્રુપ મેચ થતું ન હતું, જેના કારણે એનિમિયાના કારણે ગર્ભ મૃત્યુ પામતો હતો. બાળકનું બ્લડ ગ્રુપ OD ફેનોટાઇપ હતું, જે ખૂબ જ દુર્લભ છે. 9મી વખત એઈમ્સમાં સારવાર થઈ અને અહીંના ડોક્ટરોએ દુનિયાના તમામ મોટા દેશોમાં આ દુર્લભ બ્લડ ગ્રુપની શોધ કરી. અંતે જાપાનમાંથી આ બ્લડ મળી આવ્યું હતું.  દાતાઓ મફતમાં રક્ત આપવા તૈયાર હતા, પરંતુ દર્દીના પરિવારજનો રક્ત દેશમાં લાવવાનો ખર્ચ ઉઠાવવા સક્ષમ ન હતા. NGOની મદદથી AIIMSએ આ સમસ્યાનો ઉકેલ લાવ્યો. આ માટે લગભગ છ થી સાડા છ લાખ રૂપિયાનો ખર્ચ થયો અને અમે બ્લડ લાવવામાં સફળતા મળી. બાળકનો જીવ બચી ગયો.

રેર કેસમાં જોવા મળે છે આ બ્લડ ગ્રુપ 

AIIMSના ગાયનેકોલોજી વિભાગના પ્રોફેસર ડૉ.નીના મલ્હોત્રાએ જણાવ્યું કે આ બ્લડ ગ્રુપ ખૂબ જ દુર્લભ છે. તે 1.10 લાખમાંથી એકમાં જોવા મળે છે અને ઘણી વખત તેઓને તેની જાણ પણ હોતી નથી. આ મહિલા લેડી હાર્ડિંગમાં સારવાર લઈ રહી હતી. છેલ્લી ત્રણ વખત તેણી ગર્ભવતી બની હતી, તેણીનો ગર્ભ એનિમિયાના કારણે મૃત્યુ પામ્યો હોવાનું જણાયું હતું. તપાસ દરમિયાન જાણવા મળ્યું કે માતા અને ભ્રૂણનું બ્લડ ગ્રુપ મેચ નથી થતું. ત્યાંના ડૉક્ટરે કહ્યું કે ભવિષ્યમાં પણ આવું જ થશે. તેથી ગર્ભધાન ટાળો,  પરંતુ તે નવમી વખત પણ ગર્ભવતી બની હતી અને ફરીથી તે જ સ્થિતિ સર્જાઈ હતી, ત્યારબાદ તેને અહીં રેફર કરવામાં આવી હતી.

બે યુનિટ બ્લડની કિંમત રૂ. 6 લાખ છે

ડોક્ટર નીનાએ કહ્યું કે હવે અમને ખબર હતી કે દુર્લભ બ્લડ ગ્રુપના કારણે આવું થઈ રહ્યું છે, પરંતુ લોહી ક્યાંથી આવશે. અમારા હેમેટોલોજી વિભાગના ડો. હેમ પાંડેએ તમામ દેશોની રેડક્રોસ સોસાયટીઓને ઈમેલ કરી હતી. જાપાન તરફથી પહેલો જવાબ આવ્યો અને કહ્યું કે બે લોકો રક્તદાન કરવા તૈયાર છે. પરંતુ બ્લડને ફ્લાઇટમાં લાવવાનો ખર્ચ ઉઠાવવો પરિવાર માટે ખુબ મુશ્કેલ હતો. અંતે  સામાજિક કાર્યકરો અને એનજીઓની મદદ લીધી. બે યુનિટ બ્લડ લાવવા માટે છથી સાડા છ લાખનો ખર્ચ થાય છે.

જન્મ બાદ બાળક હવે સંપૂર્ણ સ્વસ્થ 

તેમણે કહ્યું કે આ પછી ફરીથી લોહીનું પરીક્ષણ કરવામાં આવ્યું, જેમાં નક્કી થયું કે જરૂરી દુર્લભ બ્લડ ગ્રુપ એક જ છે. તે પછી, એક પ્રક્રિયા દ્વારા, ગર્ભાશયમાં ઉછરી રહેલા ગર્ભમાં લોહી ચઢાવવામાં આવ્યું. આ એક ખાસ તકનીક છે જેના માટે અમારી પાસે નિષ્ણાતો છે. હવે બાળકનો જન્મ થયો છે અને તે સંપૂર્ણ સ્વસ્થ છે.