VIDEO: સુરતના કોસાડ વિસ્તારમાં મોડી રાત્રે પોલીસનું કોમ્બિંગ, 6 ટીમો સહિત ઉચ્ચ પોલીસ અધિકારીઓ રહ્યા હાજર

સુરતના અમરોલી કોસાડ આવાસ વિસ્તારમાં ગઈ મોડી રાત્રે પોલીસે વિશાળ કોમ્બિંગ ઓપરેશન હાથ ધર્યું હતું. આ કોમ્બિંગમાં અમરોલી, ઉત્રાણ, જહાંગીરપુરા, રાંદેર અને અડાજણ પોલીસ સ્ટેશનનો સ્ટાફ જોડાયો હતો.ડીસીપી અને એસીપી સહિત પાંચ પોલીસ સ્ટેશનના પીઆઇની હાજરીમાં છ જેટલી ટીમોએ H1 અને H2 બિલ્ડિંગ એરિયામાં મોટાપાયે તપાસ કરી હતી.

હિસ્ટ્રી શીટર, ટપોરી અને માથાભારે શખ્સોના ઠેકાણા પર તપાસ કરવામાં આવી

આ દરમિયાન હિસ્ટ્રી શીટર, ટપોરી અને માથાભારે શખ્સોના ઠેકાણા પર તપાસ કરવામાં આવી હતી.પોલીસે કેટલાક ઈસમો પાસેથી ઘાતક હથિયારો કબજે કર્યા હતા અને પાંચ તડીપાર આરોપીઓને ઝડપી પાડ્યા હતા. આ ઓપરેશનમાં પ્રોહિબિશન સહિતના કેસો નોંધી અન્ય 30 જેટલા લોકો વિરુદ્ધ કાયદેસરની કાર્યવાહી કરવામાં આવી હતી.