VIDEO: વતનમાં પહોંચવા જીવના જોખમે લોકો કરી રહ્યા છે મુસાફરી

ગુજરાતના સૌરાષ્ટ્ર સહિત રાજ્યભરમાં હાલ તહેવારનો માહોલ ચાલી રહ્યો છે. લોકમેળામાં માનવ મહેરામણ ઉમટી રહ્યું છે, ત્યારે આ વચ્ચે રાજકોટ જિલ્લામાંથી એક વીડિયો વાયરલ થયો છે. રાજકોટ જિલ્લાના ધોરાજી ગ્રામ્ય વિસ્તારમાં જન્માષ્ટમીના તહેવાર દરમિયાન એક ચોંકાવનારો વીડિયો સોશિયલ મીડિયામાં વાયરલ થયો છે. આ વીડિયોમાં ફોર-વ્હીલ વાહનમાં મુસાફરો દ્વારા જોખમી સવારી કરવામાં આવી હોવાનું જોવા મળ્યું છે,

વાહનના દરવાજા બહાર લટકીને મુસાફરી કરતા દેખાયા

જેમાં મુસાફરો વાહનના દરવાજા બહાર લટકીને મુસાફરી કરતા દેખાયા. આ ઘટનાએ તાલુકા અને જિલ્લા પોલીસની કામગીરી પર સવાલો ઉભા કર્યા છે.જન્માષ્ટમીના તહેવાર દરમિયાન આવી જોખમી સવારીઓ ખૂબ જ ચિંતાજનક છે. આ રસ્તાઓ પર ઘણા લોકો મુસાફરી કરે છે, અને આવી હરકતોથી અકસ્માતનું જોખમ વધે છે. પોલીસે આવા લોકો સામે કડક કાર્યવાહી કરવી જોઈએ.