Video/ ધુમ્મસમાં અકસ્માતો અટકાવશે Surendranagarના વિદ્યાર્થીઓની નવી શોધ: 5 કિમી દૂરથી જ મળશે ચેતવણી

તાજેતરમાં દિલ્હી એક્સપ્રેસ હાઈવે પર ભારે ધુમ્મસ અને 'ઝીરો વિઝિબિલિટી'ના કારણે થયેલા શ્રેણીબદ્ધ અકસ્માતોએ સમગ્ર દેશનું ધ્યાન ખેંચ્યું હતું. આ ગંભીર સમસ્યાના ઉકેલ માટે સુરેન્દ્રનગર આઈ.ટી.આઈ. (ITI) ના વિદ્યાર્થીઓએ એક ક્રાંતિકારી ટેકનોલોજી વિકસાવી છે, જે ભવિષ્યમાં હાઈવે પર હજારો લોકોના જીવ બચાવી શકે છે.

શું છે આ નવી સિસ્ટમ?

વિદ્યાર્થીઓએ 'ઇન્ટેલિજન્ટ એક્સિડન્ટ એન્ડ ડિટેક્ટ સિસ્ટમ' (Intelligent Accident and Detect System) નામની અત્યાધુનિક સિસ્ટમની શોધ કરી છે. આ એક ઇનોવેટિવ કન્સેપ્ટ છે જેમાં ગાડીઓમાં ખાસ પ્રકારના ટ્રાન્સમીટર અને રીસીવર લગાડવામાં આવે છે.

સિસ્ટમની મુખ્ય લાક્ષણિકતા

જ્યારે હાઈવે પર કોઈ અકસ્માત સર્જાય અથવા ધુમ્મસ હોય, ત્યારે આ સિસ્ટમ 5 કિલોમીટર સુધીની ત્રિજ્યામાં આવતી અન્ય ગાડીઓને અગાઉથી જ અકસ્માતની જાણકારી આપી દે છે.

આનાથી પાછળથી આવતા વાહનચાલકો સમયસર સાવચેત થઈ શકે છે અને મોટા અકસ્માતો નિવારી શકાય છે.

વાઇબ્રન્ટ ગુજરાતમાં મળી પ્રશંસા

સુરેન્દ્રનગર આઈ.ટી.આઈ.ના આ તેજસ્વી વિદ્યાર્થીઓએ આ પ્રોજેક્ટ વાઇબ્રન્ટ ગુજરાત સમિટમાં પણ રજૂ કર્યો હતો, જ્યાં તેમની આ શોધને ખૂબ જ આવકારવામાં આવી હતી. સુરક્ષાના પાસાને ધ્યાને રાખીને હવે આ પ્રોજેક્ટને ઇન્ટરનેશનલ કક્ષાએ પણ રજૂ કરવાની તૈયારીઓ ચાલી રહી છે.