Video: મગદલ્લા જેટી નજીક મધદરિયે વેસલ્સમાંથી કોલસો ખાલી કરતી ક્રેન તૂટી

સુરતમાં મગદલ્લા જેટી તરફ મધદરિયામાં એક મોટી અને ગંભીર દુર્ઘટના સામે આવી છે, જેમાં એક ક્રેન તૂટી પડી છે. આ ઘટનાનો વિડીયો હાલમાં સોશિયલ મીડિયા પર ઝડપથી વાયરલ થઈ રહ્યો છે.

પ્રાથમિક માહિતી મુજબ, આ દુર્ઘટના શ્રીજી શિપિંગના વેસલ્સ (જહાજ)માંથી કોલસો ખાલી કરવાની કામગીરી ચાલી રહી હતી ત્યારે બની હતી. આ કામગીરી માટે ઉપયોગમાં લેવાતી ક્રેન અચાનક તૂટી પડતા અફરાતફરી મચી ગઈ હતી.

ક્રેન તૂટી પડવાની આ સમગ્ર ઘટનાને ગંભીરતાથી લઈને ગુજરાત મેરીટાઈમ બોર્ડ (GMB) દ્વારા તપાસ શરૂ કરવામાં આવી છે. આ દુર્ઘટના કયા કારણોસર બની અને  મોટી નુકસાની થઈ છે કે કેમ, તે અંગેની વિગતો તપાસ બાદ જ સ્પષ્ટ થશે.