અગ્નિકાંડ અંગે મોટા સમાચાર / રાજકોટ પોલીસ કમિશનર રાજુ ભાર્ગવ અને મનપા કમિશનર આનંદ પટેલની બદલી
Rajkot Gamezone Fire : રાજકોટ અગ્નિકાંડ મામલે મોટા સમાચાર સામે આવ્યાં
Rajkot Gamezone Fire : રાજકોટ અગ્નિકાંડ મામલે મોટા સમાચાર સામે આવ્યાં છે. 7 જેટલા અધિકારીઓને સસ્પેન્ડ કર્યા બાદ રાજ્યના ગૃહ વિભાગે બે સિનિયર અધિકારીઓની બદલી કરી દીધી છે. રાજકોટ પોલીસ કમિશનર રાજુ ભાર્ગવ અને મનપા કમિશનર આનંદ પટેલની બદલી કરી દેવામાં આવી છે. આ સાથે જ તેમને હવે ક્યાં મૂકવામાં આવશે તેની સ્પષ્ટતા કરવામાં આવી નથી. રાજકોટના નવા પોલીસ કમિશનર તરીકે બ્રજેશ ઝાની નિમણૂક કરવામાં આવી છે.
અગાઉ આ અધિકારીઓને સસ્પેન્ડ કરાયા
રાજકોટ અગ્નિકાંડ બાદ બે આસિસ્ટન્ટ એન્જિનિયર, બે ડેપ્યુટી એન્જિનિયર અને બે પોલીસ ઈન્સપેક્ટરને સસ્પેન્ડ કરી દેવામાં આવ્યા હતા.
- ગૌતમ જોશી - આસિસ્ટન્ટ ટાઉન પ્લાનર, રાજકોટ મહાનગરપાલિકા ટાઉન પ્લાનિંગ શાખા
- જયદીપ ચૌધરી - આસિસ્ટન્ટ એન્જિનિયર, રાજકોટ મહાનગરપાલિકા ટાઉન પ્લાનિંગ શાખા
- એમ.આર. સુમા - નાયબ કાર્યપાલક ઈજનેર, રાજકોટ બાંધકામ માર્ગ અને મકાન વિભાગ
- વી.આર. પટેલ - પોલીસ ઈન્સ્પેક્ટર, રાજકોટ રીડર શાખા
- એન. આઈ. રાઠોડ - પોલીસ ઈન્સ્પેક્ટર, ગાંધીગ્રામ - ૨ (યુનિવર્સિટી)
- પારસ કોઠીયા - નાયબ કાર્યપાલક ઈજનેર, રાજકોટ
- રોહિત વિગોરા - સ્ટેશન ઓફિસર, ફાયર એન્ડ ઇમરજન્સી સર્વિસીસ, રાજકોટ મહાનગરપાલિકાની
