પંચમહાલ: જૈન દેરાસરમાં ત્રણ આરોપીઓએ મસ્તી-મસ્તીમાં મૂર્તિઓ કરી હતી ખંડિત, ગણતરીની કલાકોમાં પોલીસે કરી ધરપકડ

પંચમહાલના ઘોઘંબા તાલુકાના ધનેશ્વર ગામેં જૈન દેરાસરમાં મૂર્તિઓ ખંડિત કરવાના મામલામાં મોટો ખુલાસો થયો છે.  પોલીસે ગણતરીના કલાકમાં જ મૂર્તિઓ ખંડિત કરનાર ત્રણ આરોપીઓની ધરપકડ કરી છે.

મસ્તી મસ્તીમાં મૂર્તિઓ કરી હતી ખંડિત

આ ત્રણેય આરોપીઓ ધનેશ્વર ગામના જ રહેવાસી છે. પોલીસ તપાસમાં સામે આવ્યું કે આ શખ્સો ક્રિકેટ રમતા રમતા કેમ્પસમાં જ આવેલા દેરાસરમાં મૂર્તિઓ ખંડિત કરી હતી.

પથ્થરોથી મૂર્તિઓ તોડી પાડી

દેરાસર નજીક પડેલા પથ્થરોથી મૂર્તિઓને ખંડિત કરી હતી. આરોપીઓ કબૂલાત કરી હતી કે મસ્તીમાં જ યુવાનોએ મૂર્તિઓને ખંડિત કરી હતી. પોલીસે ત્રણેય આરોપીઓની સામે બી.એન. એસ 2023 ની કલમ 299 અને 324/2 મુજબ ગુન્હો નોંધ્યો હતો