રાજકોટ સિવિલમાં બે ડૉક્ટર સસ્પેન્ડ, 70 વર્ષીય વૃદ્ધાને સારવાર વગર મરવા છોડ્યા હતા

રાજકોટ સિવિલ હોસ્પિટલમાં ડોક્ટર દ્વારા વૃદ્ધાને સારવાર આપવાના બદલે રેઢી મુકવાનો મામલો સામે આવ્યો હતો. આ મામલે  સાત સભ્યોની ટીમે એક રિપોર્ટ તૈયાર કર્યો હતો. જેમાં તબીબો વિરુદ્ધ સખ્ત એક્શન લેવામાં આવ્યું છે.

70 વર્ષીય વૃદ્ધાને પીએમ રૂમની બહાર મૂક્યા

70 વર્ષીય વર્ષાબેન ભાસ્કરને સારવાર આપવી ન પડે તે માટે વૃદ્ધાને પીએમ રૂમની બહાર મૂકી દેવામાં આવ્યા હતા, ડૉક્ટરોનું એક એવું રૂપ સામે આવ્યું છે.

બે રેસીડેન્ટ ડોક્ટરને સસ્પેન્ડ કરાયા

તબીબોએ  માનવતા પણ નેવે મુકી દીધી હતી. આ મામલે વૃદ્ધાને રેઢી મૂકી દેનાર બે રેસીડેન્ટ ડોક્ટર ડો.હેત અને ડો.જૈનમ સસ્પેન્ડ કરવામાં આવ્યા છે. સર્જરી વિભાગનો સ્ટાફ, તબીબો તેમજ ઈમરજન્સી વિભાગના સ્ટાફના નિવેદનો લેવામાં આવ્યા હતા.