Video: ગોલ્ડ મેડલ જીતનારા વિદ્યાર્થીઓનું રેલી સાથે સન્માન

સોર્સ: gstv

ગુજરાતના NCC ઇન્ટર બટાલિયન હેઠળ રાજકોટ ગ્રુપ દ્વારા યોજવામાં આવેલી શૂટિંગ સ્પર્ધામાં સુરેન્દ્રનગર જિલ્લાના 13 વિદ્યાર્થીઓએ ઉત્કૃષ્ટ પ્રદર્શન કરીને ગોલ્ડ મેડલ મેળવ્યા છે. રાજ્યભરમાંથી કુલ 107 વિદ્યાર્થીઓએ આ સ્પર્ધામાં ભાગ લીધો હતો, જેમાંથી સુરેન્દ્રનગરના 13 વિદ્યાર્થીઓ મેડલ જીતવામાં સફળ રહ્યા છે. આ ઉપરાંત રાજકોટ બટાલિયનની શૂટિંગ સ્પર્ધામાં સુરેન્દ્રનગર જિલ્લો NCCમાં પ્રથમ ક્રમાંકે પસંદ થયો છે. ગોલ્ડ મેડલ મેળવનાર આ તેજસ્વી વિદ્યાર્થીઓના સન્માનમાં સુરેન્દ્રનગરમાં ભવ્ય રેલીનું આયોજન કરવામાં આવ્યું હતું. શહેરની સાયન્સ કોલેજથી શરૂ થયેલી આ રેલી ટાવર ચોક સુધી યોજાઈ હતી, જેમાં વિદ્યાર્થીઓ મેડલ સાથે જોડાયા હતા. સમગ્ર શહેરી વિસ્તારમાં નીકળેલી આ રેલી દરમિયાન શહેરીજનોએ વિજેતા વિદ્યાર્થીઓનું ભવ્ય બહુમાન કરીને તેમની સિદ્ધિને બિરદાવી હતી.

આ સમાચાર શેર કરો

જાહેરાત