Surat news: કોંગી મહામંત્રી પર યુથ કોંગ્રેસના નેતાનો હુમલો, માથામાં ગંભીર ઈજા પહોંચતા 6 ટાંકા લેવાયા

સુરત કોંગ્રેસ મહામંત્રી ઉપર ચોર્યાસી વિધાનસભા યુથ કોંગ્રેસના ઉપપ્રમુખે હુમલો કરતાં તેમણે ગંભીર ઇજાગ્રસ્ત હાલતમાં હોસ્પિટલ ખસેડવામાં આવ્યા છે. પૈસા લેતીદેતી બાબતે આ હુમલો કરાયો હોવાનું જાણવા મળી રહ્યું છે. પોલીસે ગુન્હો નોધી કાયદેસરની કાર્યવાહી હાથ ધરી છે. 

પૈસા પરત માગતાં મામલો ગરમાયો 

સુરત શહેર કોંગ્રેસ મહામંત્રી ઉપર ચોર્યાસી વિધાનસભા યુથ કોંગ્રેસના ઉપપ્રમુખે હુમલો કર્યો હોવાની ઘટના સામે આવી છે. મહામંત્રી અવિનાશ તિવારી ઉપર ઉપપ્રમુખ પ્રિન્સ પાંડેએ તેના સાગરીતો સાથે હુમલો કરતા અવિનાશ તિવારીના માથે અને શરીરના ભાગે ગંભીર ઇજાઓ પહોંચતા માથે 6 ટાંકા લેવાયા છે. અવિનાશ તિવારી અને પ્રિન્સ પાંડે વચ્ચે પૈસાને લઈ વિવાદ થયો હતો. અવિનાશે આપેલા પૈસા પ્રિન્સ પાસેથી પરત માગતાં મામલો ગરમાયો હતો. હાલ સમગ્ર મામલે પાંડેસરા પોલીસે ગુન્હો નોધી આગળની તપાસ હાથ ધરી છે.