Surat હાઈ એલર્ટ પર: હજીરા ઇન્ડસ્ટ્રીયલ ઝોનને લઇ સુરક્ષા વધારાઈ, પોલીસ કમિશનરની બેઠક
છેલ્લું અપડેટ : 09 May 2025
સુરત શહેરમાં સુરક્ષા સંદર્ભે મહત્વપૂર્ણ પગલાં લેવામાં આવ્યા છે. હાલમાં શહેર હાઈ એલર્ટ પર રાખવામાં આવ્યું છે. શહેરના હજીરા વિસ્તારમાં આવેલી મહત્વની ઇન્ડસ્ટ્રીયલ કંપનીઓ અને દરિયાઈ કિનારાની સુરક્ષા વ્યવસ્થાઓને લઇને સુરત પોલીસ કમિશનર દ્વારા વિશેષ બેઠકનું આયોજન કરવામાં આવ્યું છે.
હજીરા વિસ્તારમાં સુરક્ષા વધારાઈ
હજીરા ખાતે આવેલી વિવિધ કંપનીઓ—જેમ કે પેટ્રોકેમિકલ, ઓઇલ રિફાઇનરી, LNG ટર્મિનલ વગેરે—ના સુરક્ષા હેડ્સ સાથે પોલીસે બેઠક યોજી છે. આ બેઠકમાં દરિયાઈ કિનારાની સલામતી અને આંતરિક ખતરા સામે જવાબદારીભર્યુ અને સુવ્યવસ્થિત પ્લાન તૈયાર કરાયો છે. દરિયાઈ કિનારાના વિસ્તારોમાં સશસ્ત્ર પોલીસ દ્વારા સતત પેટ્રોલિંગ કરવામાં આવી રહ્યું છે. ઇન્ડસ્ટ્રીયલ ઝોનમાં શંકાસ્પદ પ્રવૃત્તિઓ પર નજર રાખવા માટે ડ્રોન દેખરેખ અને ટેક્નોલોજી આધારિત મોનિટરિંગ પણ શરૂ કરાયું છે.
મહત્વના મુદ્દાઓ પર ચર્ચા
મિટિંગ દરમિયાન મોટી કંપનીઓની સુરક્ષા નીતિઓ, આવશ્યક ક્વીક રિસ્પોન્સ ટીમની ગઠન, સિક્યોરિટી સ્ટાફની તાલીમ અને ઇમરજન્સી હેન્ડલિંગ પ્લાન જેવા મુદ્દાઓ પર વિગતવાર ચર્ચા થઈ.અધિકારીઓએ જણાવ્યું કે હાલમાં કોઈ તાત્કાલિક ધમકીનું સંકેત નથી, પરંતુ રાષ્ટ્રીય સુરક્ષા દ્રષ્ટિએ તૈયારીઓ મહત્વપૂર્ણ છે. પોલીસ અને સુરક્ષા એજન્સીઓ સંકલિત રીતે કામગીરી હાથ ધરી રહી છે જેથી જાહેર સુરક્ષા સુનિશ્ચિત થાય.
