આબુથી પરત આવી રહેલી ગુજરાતી પ્રવસીઓની બસ પર પથ્થરમારો, એક મહિલા ઈજાગ્રસ્ત

આબુ જઈને પરત આવતા  ગુજરાતી પ્રવસીઓની બસ પર રાજસ્થાન બોર્ડર નજીક પથ્થરમારો થયો હતો. આ ઘટનામાં એક મહિલા ઈજાગ્રસ્ત થઇ છે. આ સમગ્ર ઘટના અંગે રાજસ્થાન પોલીસને જાણ કરવામાં આવી છે. 

બસના બે મોટા કાચ તૂટી ગયા

ગુજરાત-રાજસ્થાન બોર્ડર પર ગુજરાતી પ્રવસીઓને આબુ લઈને જય રહેલી ગુજરાતની સૌથી મોટી ટ્રાવેલ્સ એજન્સી ગુજરાત ટ્રાવેલ્સની બસ કેટલાક અસામાજિક તત્ત્વોએ પથ્થરમારો કર્યો હતો. આ ઘટનામાં બસના બે મોટા કાચ તૂટી ગયા હતા. જો કે ડ્રાઈવરે બસ ભગાડતાં લૂંટ જેવી મોટી ઘટના બનતા અટકી છે. 

એક મહિલા ઈજાગ્રસ્ત 

આ ઘટનામાં બસમાં 10 જેટલા મુસાફરો સવાર હતા, જો કે એક મહિલાને જ ઈજાઓ થઇ છે. આજે બપોરે બસ પરત અંબાજી આવી હતી. આ ઘટના અંગે રાજસ્થાન પોલીસને જાણ કરવામાં આવી છે. અગાઉ 3 નવેમ્બરના રોજ આ જ જગ્યાએ ત્રણ કાર પર પથ્થરમારાની ઘટના બની હતી.