Video: હીરાસર એરપોર્ટ પર આગની ઘટના બાદ ડિરેક્ટર ધનંજયકુમાર હટાવાયા, સંજય અગ્રવાલ નવા ડિરેક્ટર

રાજકોટના હીરાસર ઇન્ટરનેશનલ એરપોર્ટ પર સર્જાયેલી બેદરકારીની ઘટના બાદ એરપોર્ટ ડિરેક્ટર ધનંજયકુમાર સિંઘને માત્ર ૨૪ દિવસમાં જ પદ પરથી હટાવીને કોમર્શિયલ વિભાગમાં મૂકી દેવાયા છે. ૨૮ ઓક્ટોબરે પક્ષીઓને ભગાડવા માટે ફોડવામાં આવેલા ફટાકડાના તણખાથી સૂકા ઘાસમાં ભીષણ આગ લાગી હતી. આ જ સમયે દિલ્હીથી આવતી એર ઇન્ડિયાની ફ્લાઇટ, જેમાં સિવિલ એવિએશનના સેક્રેટરી સમીરકુમાર સિંહા સહિત ૧૦૦થી વધુ મુસાફરો સવાર હતા, તેને તાત્કાલિક વડોદરા ડાયવર્ટ કરવી પડી હતી. આ ગંભીર ઘટનાને પગલે એરપોર્ટ ઓથોરિટી દ્વારા કડક પગલાં ભરીને સંજય અગ્રવાલને નવા ડિરેક્ટર બનાવવામાં આવ્યા છે, જ્યારે તેમની ગેરહાજરીમાં ભાસ્કર સૌદાગર કાર્યકારી ડિરેક્ટર તરીકેની જવાબદારી સંભાળશે.