VIDEO: રાજકોટમાં યુવતીએ યુવકને પાઠ ભણાવ્યો? વાયરલ વીડિયોએ સોશિયલ મીડિયામાં મચાવી ધૂમ"
છેલ્લું અપડેટ : 31 Dec 2025
VIDEO: રંગીલા રાજકોટમાં અવારનવાર વિચિત્ર ઘટનાઓ સામે આવતી હોય છે, પરંતુ આજે શહેરના શાસ્ત્રી મેદાન પાસે જાહેરમાં જે દ્રશ્યો સર્જાયા તેણે સૌને ચોંકાવી દીધા છે. એક યુવક અને યુવતી વચ્ચે કોઈ અગમ્ય કારણોસર ઉગ્ર બોલાચાલી થયા બાદ મામલો હાથાપાઈ પર પહોંચ્યો હતો. આ સમગ્ર ઘટનાનો વીડિયો સોશિયલ મીડિયા પર વાયુવેગે વાયરલ થઈ રહ્યો છે.
જાહેરમાં 'ફિલ્મી ઢબે' મારામારી
વાયરલ થઈ રહેલા વીડિયોમાં જોઈ શકાય છે કે, શાસ્ત્રી મેદાન જેવા વ્યસ્ત વિસ્તારમાં યુવતી એકાએક રણચંડી બની હતી. યુવતીએ યુવકના વાળ પકડી લીધા હતા અને તેને રસ્તા વચ્ચે જ ઢોર માર મારવાનું શરૂ કર્યું હતું. આસપાસથી પસાર થતા લોકો પણ આ દ્રશ્ય જોઈને સ્તબ્ધ થઈ ગયા હતા. યુવક પોતાનો બચાવ કરવાનો પ્રયાસ કરી રહ્યો હતો, પરંતુ યુવતી ખૂબ જ રોષમાં જોવા મળી હતી.
વીડિયો વાયરલ થતા પોલીસ એક્શનમાં
આ ઘટનાનો વીડિયો સ્થાનિક લોકોએ પોતાના મોબાઈલમાં કેદ કરી લીધો હતો, જે ટૂંક સમયમાં જ સોશિયલ મીડિયાના અલગ-અલગ પ્લેટફોર્મ પર વાયરલ થયો છે. વીડિયોની ગંભીરતાને ધ્યાને લેતા સ્થાનિક પોલીસ પણ હરકતમાં આવી છે. પોલીસે આ વીડિયો ક્યારનો છે અને મારામારી પાછળનું સાચું કારણ શું છે તે દિશામાં તપાસના ચક્રો ગતિમાન કર્યા છે.
લોકોમાં ચર્ચાનો વિષય
રાજકોટના જાહેર માર્ગો પર આ રીતે યુવક-યુવતીઓ વચ્ચે થતી મારામારીના બનાવોને કારણે કાયદો અને વ્યવસ્થાની સ્થિતિ પર પણ સવાલો ઉઠી રહ્યા છે. પ્રાથમિક દ્રષ્ટિએ આ અંગત અદાવત અથવા પ્રેમ પ્રકરણનો મામલો હોવાનું લોકમુખે ચર્ચાઈ રહ્યું છે.