VIDEO : રાજકોટમાં સાસરિયા પક્ષ દ્વારા વિધવા મહિલાનું મુંડન, જ્યોતિનાથ બાપુએ ઘટનાને વખોડી 

રાજકોટમાં સાસરિયા પક્ષ દ્વારા વિધવા મહિલાનું મુંડન કરાવવાના ચકચારી કિસ્સામાં હવે સનાતન સંત સમિતિના રાષ્ટ્રીય અધ્યક્ષ જ્યોતિરનાથ બાપુનું નિવેદન સામે આવ્યું છે. તેમણે આ ઘટનાને અત્યંત નિંદનીય ગણાવતા કહ્યું કે, આ એક કુ-રિવાજ છે અને દરેક વ્યક્તિને ગૌરવપૂર્ણ જીવન જીવવાનો અધિકાર છે. વર્ષો જૂની આવી અમાનવીય પરંપરાઓમાંથી મુક્ત થવું અનિવાર્ય હોવાનું જણાવી તેમણે આ કૃત્ય કરનારાઓ સામે પોલીસને કડક પગલાં લેવાની અપીલ કરી છે. સંત સમિતિએ આ અંધશ્રદ્ધાભરી ઘટનાનો સખત શબ્દોમાં વિરોધ નોંધાવ્યો છે.