મોટા સમાચાર / 4 જૂને ભાજપ સમગ્ર રાજ્યમાં નહીં કરે વિજયની ઉજવણી, પાટીલે આપ્યાં આ આદેશ

4 જૂને લોકસભા ચૂંટણીના પરિણામ જાહેર થવાના છે. રાજ્યમાં હાલમાં જ રાજકોટમાં અગ્નિકાંડની કરુણ ઘટના ઘટી છે, જેમાં 28 લોકોના મોત થયા છે. આ ઘટનાને અનુસંધાને ભાજપે મોટો નિર્ણય લેતા 4 જૂને સમગ્ર રાજ્યમાં વિજયની ઉજવણી ન કરવાનું નક્કી કર્યું છે. આ માટે સી.આર.પાટીલ અને સંગઠન મહામંત્રી રત્નાકરના નામે  દરેક જિલ્લામાં ભાજપ સંગઠનને આદેશ કરતો પરિપત્ર પ્રદેશ ભાજપ દ્વારા જાહેર કરવામાં આવ્યો છે. 

આ પરિપત્રમાં કહેવામાં આવ્યું છે : 

1. મતગણતરીના સ્થાનની બહાર, કાર્યાલય ખાતે તેમજ અન્ય જાહેર સ્થળે ફટાકડા ફોડવા નહીં.
2. મીઠાઈને વ્યવસ્થા રાખવી નહી અને એકબીજાને મીઠાઈ ખવડાવવી નહીં.
3. ફૂલની પાંદડી અને ગુલાલ ઉડાડીને અભિવાદન કરવું નહીં.
4. કાર્યકર્તાઓ ટોપી, ખેસ પહેરીને હાથમાં પાર્ટીના ઝંડા સાથે ભારત માતા કી જયના સૂત્ર સાથે વિજયને આવકારે.
5. મતગણતરી બાદ વિજેતા ઉમેદવાર ખુલ્લી જીપ કે વાહનમાં વિજય સરઘસ કે રેલી કાઢવી નહી અને ઢોલ- નગારા કે ડીજે - સાઉન્ડ સિસ્ટમની વ્યવસ્થા કરવાની નથી.
6. કાર્યાલયમાં રોશની અને સુશોભન કરવું નહીં.
7. વિજય થઇ ગયા પછી સન્માન સમારંભના કાર્યક્રમો ટાળવા.