VIDEO: સુરેન્દ્રનગરની ભારત સીટ કંપનીમાં ફૂડ પોઈઝનિંગની ઘટના, ભોજનમાંથી ગરોળી નીકળી

સુરેન્દ્રનગરના નાવીયાણી ગામે ભારત સીટ કંપનીમાં ફૂડ પોઈઝનિંગની ઘટના સામે આવી છે. કંપનીની કેન્ટીનમાં ભોજનમાંથી ગરોળી નીકળી હોવા છતાં, તે જ ખોરાક પીરસવામાં આવતા 30થી વધુ કર્મચારીઓની તબિયત લથડી છે.

ઝાડા-ઉલટી થતા તાત્કાલિક બેચરાજી સરકારી હોસ્પિટલમાં ખસેડવામાં આવ્યા

તમામ અસરગ્રસ્તોને ઝાડા-ઉલટી થતા તાત્કાલિક બેચરાજી સરકારી હોસ્પિટલમાં ખસેડવામાં આવ્યા છે. આ મામલે ભારે રોષ જોવા મળી રહ્યો છે અને ફૂડ એન્ડ ડ્રગ્સ વિભાગની ટીમે ઘટનાસ્થળે પહોંચી તપાસના ચક્રો ગતિમાન કર્યા છે.