Video: દ્વારકાના ગ્રામ્ય વિસ્તારોમાં કમોસમી વરસાદથી ખેડૂતો મુશ્કેલીમાં મુકાયા

દ્વારકા જિલ્લાના ભાડથર, કેશોદ, ચૂર, રાજપરા અને ધતુરીયા સહિતના ગ્રામ્ય વિસ્તારોમાં અચાનક કમોસમી વરસાદ ખાબક્યો છે. તેજ પવન અને વીજળીના ભારે કડાકા-ભડાકા સાથે વરસેલા આ ધોધમાર વરસાદને કારણે ખેડૂતો ભારે મુશ્કેલીમાં મુકાઈ ગયા છે. કમોસમી વરસાદના કારણે ખેતરોમાં તૈયાર પડેલા પાક અને પશુઓ માટેના ઘાસચારાને વ્યાપક નુકસાન પહોંચ્યું છે. અચાનક બદલાયેલા આ વાતાવરણથી ચિંતાતુર બનેલા ખેડૂતો પોતાના મહામૂલા પાક તથા ઘાસચારાને પલળતો બચાવવા માટે તાત્કાલિક ધોરણે તેને સુરક્ષિત જગ્યાએ ખસેડવાની કામકાજમાં લાગી ગયા છે. અન્નદાતાઓની આ સ્થિતિ જોઈને સર્વત્ર ચિંતાનું મોજું ફરી વળ્યું છે.