VIDEO: સાવલીના જૂના સમલાયામાં કેમિકલ માફિયાઓ સક્રિય: ખાડામાં ઠાલવાયું લાલ રંગનું ઝેરી પાણી

વડોદરાના સાવલી તાલુકાના જૂના સમલાયા નજીક ફરી એકવાર પર્યાવરણ સાથે ચેડાં થવાની ઘટના સામે આવી છે. વરસાદની આડમાં કેમિકલ માફિયાઓએ ખુલ્લા ખાડામાં લાલ રંગનું કેમિકલયુક્ત પાણી ઠાલવ્યું છે. આ પ્રદૂષિત પાણી નજીકની મિની નદીમાં ભળવાની આશંકા સેવાઈ રહી છે, જેનાથી ગ્રામજનોમાં ભારે ભય અને રોષ જોવા મળી રહ્યો છે. સ્થાનિકોના મતે, આ પ્રદૂષણથી પશુધન, ખેતીલાયક જમીન અને સમગ્ર પર્યાવરણને ગંભીર નુકસાન થઈ શકે છે. અગાઉ પણ આ વિસ્તારમાં આવી ઘટનાઓ બની ચૂકી હોવાથી, ગ્રામજનોએ કડક કાર્યવાહીની માંગ કરી છે. તંત્ર તાત્કાલિક સ્થળ પરથી નમૂના લઈ તપાસ કરે તેવી લોક માંગ ઉઠી છે.